Yudas 1:12 - En Taar Weru a nunuwu' é Tontemboan

¹² An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.

Yudas 1:12 ပူးပေါင်းရင်းမြစ်များ

Matius 13:6

Taan an tutuw mantango mai si yéndo, sé tinanem itu maweles wo mapera ampa'paan ra'ica imaa'mut sama'.

Matius 15:13

Isowat i Yesus, “Pakasa en tinanem sé ra'ica ayusew i Amang-Ku an sorga kémbuten oka akar in a'mu-a'mutna.

Markus 4:6

Taan an tutuw mantango mai si yéndo, en tinanem itu maweles wo mapera ampa'paan ra'ica maa'mut sama'.

Lukas 12:45

Taan, sa si ata itu léwo' wo kumua an aténa in tana'i, ‘Urépé' réén si tuangku maréngai.’ Wo tumo'tolo papangkurenna sé ata tuama wo wéwéné wo sia kuman wo melep akar i malangu.

Lukas 16:19

“Awéan esa tou siya' si memaké-maké in juba pares niéma' ang kaéng alus owo, susur in endo sia masalé-salé' ang kasiyaanna.

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Lukas 8:6

Awéan ka'i sé irumongkor an tana' wawatuan. An tutuw sé lulumbo itu itumouo, ra'ica mento' uré en lulumbo itu maperao ampa'paan tumou an tana' ra'ica wana rano.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Timotius 5:6

Taan si balu wéwéné masalé'ke' menonou ang kaaruian, sia tanu imatéo mandé ka'i sia menonoué'.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Yakobus 5:5

Kamu menonouo arui ang kasiyaan wo mengéla-ngéla in doit ang kayo'baan anio'. Kiniitano miow eng kasalé'an in até miow in esa, akar kamu makemel, tanu sé binatang papiaran si tu'tulo im pokolen.