Yudas 1:10 - En Taar Weru a nunuwu' é Tontemboan

¹⁰ Taan sé guru ra'ica wutul mengaojat waya sé ra'ica kailekan éra. Séra mengaéma' andumoro' sé asalo kumiit ing kasalé'an éra in esa, en itu meputé wo sé binatang ra'ica ningaasan. Sé pinengaéma' éra ituo e makawali iséra am papaté.

Yudas 1:10 ပူးပေါင်းရင်းမြစ်များ

Roma 2:14

Sé tou ra'ica Yahudi, séra ra'ica makailek in ukum Torat. Taan sa émaan éra tanu en aiperénta an ukum Torat ampa'paan ing kasalé'an éra in esa, en itu itumuru' sapaoka en até éra makaileko si wisa si ro'na émaan wo si wisa si ra'ica toro émaan, mandé ka'i en ukum Torat itu ra'ipé' kailekan éra.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

2 Petrus 2:12

Taan sé guru ra'ica wutul itu tanuoka sé binatang ra'ica ningaasan, meputé wo sé binatang asalo ayanak en tangkaan wo patén. Séra maroros sapa sé ra'ica kailekan éra, wo ampa'paano ing kaléwo-léwo'an sé niéma' éra ituo, séra in esa ka'i patén oka kaputé é binatang ra'ica papiaran.