Yohanes 9:5 - En Taar Weru a nunuwu' é Tontemboan

⁵ Ang kauré-Ku ang kayo'baané', Yakuo en sendot ing kayo'baan.”

Yohanes 9:5 ပူးပေါင်းရင်းမြစ်များ

Matius 4:16

Sé tou sé menonou ang kariréimbengan isuméréo in Sendot wangko', wo séra sé maento' an tampa si kinawasa im papaté, ai séra mantango mai en Sendot.”

Matius 5:14

Icamuo en sendot ing kayo'baan. Eng kota am bawo ing kuntung ra'ica kawisa icaenep.

Lukas 2:32

Wo Sia tanu in sendot si aiwéé i Amang Kasuruan en tumélang in até é tou walina wosama' séra ro'na mai a si Amang Kasuruan, wo ka'i en sendot itu e méma' sé tou-Mu Israel ro'na irayo é tou walina.”

Yohanes 12:46

Yaku mayo ang kayo'baan anio' e mamuali sendot a sé tou, wosama' sé tou maéman a Yaku ra'ica mento' ang kariréimbengan.

Yohanes 8:12

Kekawus in itu, icua i Yesus sumawel a sé tou keli in tana'i, “Yakuo en sendot ing kayo'baan. Si séi eng kumiit Yaku, sia itu ra'io menonou ang kariréimbengan, taan sia menonou an sendot si méma' isia menonou akar ing kauré-uré.”

Kisah Para Rasul 13:47

Ampa'paan si Amang Kasuruan e merénta icami, ‘Sinisir-Kuo ko, wosama' ko ro'na mangé kumua in abar kalowiran a sé tou ra'ica Yahudi akar an tempok ing kayo'baan. Wo in taniitu, ico mamuali kaputé in sosoloan si sumendot iséra.’ ”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Kisah Para Rasul 26:23

En aicua éra sapaoka si Mesias musti mamuléng ing keli kawenduan wo maté, taan Siao eng kataré-taré tumou sumawel. Sia oka ka'i e maali mai in sendot ing kalowiran a sé tou Yahudi wo ka'i a sé tou ra'ica Yahudi.”

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Wahyu 21:23

Eng kota itu ra'io ka'i maperlu si yéndo wo si serap en sumendot, ampa'paan si Amang Kasuruan si wuta in darayo wo in sisiri', iméé mai in sendot, wo si Toyaang i Domba ituo en sosoloanna.