Yohanes 9:4 - En Taar Weru a nunuwu' é Tontemboan

⁴ Ang karoro'an in endopé' musti émaanta en tawoien si aiwéé i Amang Kasuruan si mutusai Yaku. Sa imawengio, ra'io ka'i wana esaan tou e ro'na tumawoi.

Yohanes 9:4 ပူးပေါင်းရင်းမြစ်များ

Matius 20:7

Wo isowat éra ai sia, ‘Ra'ica wana tou en tume'tek ai cami.’ Wo icuana ai séra, ‘Sa taniitu, mangéo taré kamu tumawoi an uma in anggorku!’

Markus 3:3

Icua i Yesus a si tou eng kamana esa mapalaio, “Mayo, tumulungo mai an uner!”

Yohanes 10:32

Icua i Yesus ai séra, “Kelian en tawoien loor asi Amang Kasuruan owo sé aituru'-Kuo ai camu. Asé pakasa in tawoien loor itu, si wisa réén si méma' icamu masalé' mangkil im batu a Yaku?”

Yohanes 10:37

Sa Aku ra'ica mengaéma' in tawo-tawoien i Amang-Ku, tioo percayaan iow Aku.

Yohanes 12:35

Icua i Yesus ai séra, “Ra'io uré en témpona en sendot itu mewali-wali wo icamu. Anaé, maya'o mangé ang karoro'an en sendot itu awéané' wosama' eng kariréimbengan ra'ica kumawasa icamu. Si séiké' mangé si mawaya' ang kariréimbengan, ra'io kailekanna am bisa en angéanna.

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 5:19

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 7:33

Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Efesus 5:16

Pakéno mangé sumama-sama' en témpo si aiwéé ai camu, ampa'paan asi oras anio' kelio en tou sé mengaéma' ing kaléwo'an.

Kolose 4:5

Menonouo mangé kamu ang karapi wuta ing kapinteran asi Casuruan owo an tutuw kamu mewali-wali wo sé tou ra'ipé' maéman a si Kristus. Wo pakéno mangé sumama-sama' en témpomu itu, wosama' séra ka'i maéman a si Kristus.