Yohanes 9:34 - En Taar Weru a nunuwu' é Tontemboan

³⁴ Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.

Yohanes 9:34 ပူးပေါင်းရင်းမြစ်များ

Lukas 11:45

Wo esaan asé makailek wutul in Torat itu kumua a si Yesus, “Guru, sé aicua i Guru itu, maséroo ka'i cami.”

Lukas 14:11

Ampa'paan, si séike' mengarangka' in owak, sia iwawa' oka wo si séike' e mengawawa' in owakna, sia iparangka-rangka' oka.”

Lukas 18:17

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké', sia ra'ica kawisa muntep ang Kakolanoan-Na.”

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 8:41

Kamu mengaéma' sapa sé niéma' i amang iow in esa.” Isowat éra, “Icami anio' ra'ica toyaang aitou ampa'paan in sina. Si Amang ami wayake' in esa, Siao si Amang Kasuruan.”

Yohanes 9:2

Wo sé murit-Na mamuéi ai Sia, “Guru, kéitu réén si tou anio' ketounake' mai wolao? Sapa réén en anio', ampa'paan ing kamesé-meséaanna kuma'pa ing kamesé-meséaan é matu'ana?”

Yohanes 9:22

Sé matu'ana icumua in taniitu, ampa'paan icaindé' éra sé kikiiten é tou Yahudi itu. Ampa'paan sé kikiiten é tou Yahudi imeesao, si séike' e mangaku si Yesus itu Mesias, séra itu ra'io toro muntep am balé paapo'an é agama Yahudi.

Yohanes 9:35

Liningao i Yesus si tou wola itu ayuséro éra kumesot am balé paapo'an é agama Yahudi. Wo si Yesus meta'up wo si tou itu wo icua-Na ai sia, “Émanenmu si Toyaang i Tou?”

Yohanes 9:40

Piraan asé tou Farisi am bitu, makalinga sé aipakua i Yesus itu wo icua éra ai Sia, “Sa iciit Ico, wola réén kami?”

1 Korintus 5:13

Si Amang Kasuruan in esao e makim sé tou ra'ica maéman. Aipatic ang Kitap Le'nas tana'i, “Yuséro mangé sé tou mangaéma' in léwo' an uner iow!”

Galatia 2:15

Yaku Paulus wo si Kefas, kiit ing ketou ami tou Yahudi. Kami anio' ra'ica sé tou iméma' ing kamesé-meséaan, tanu sé tou ra'ica Yahudi sé ra'ipé' makatuus si Amang Kasuruan.

Efesus 2:3

En ulitna indior icita im baya ka'i meputé wo sé tou ra'ica le'tek itu, ampa'paan kita makiité' ing kasalé'an in owak sé ra'ica wutul, asalo maarui in owak wo asalo memero-merot in léwo'. Kita anio' sé tou patus ukumen i Amang Kasuruan kaputé é tou walina.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

3 Yohanes 1:10

Ampa'paan in itu, sa aku maai sa, icuaku oka waya sé niéma'na, ampa'paan ipasisilna sé léwo' wo sé ra'ica wutul andumoro' ami. Wo pakasa en itu ra'ipé' ka'i awes ai sia. An tutuw é poo-poow esa paémanen mai, ra'ica kiimna tumerima iséra. Ra'ica siituke', papéronenna ka'i sé tou sé masalé' mengaterima sé poo-poow esa paémanen itu. Wo ra'io wééna sé tou mengaterima itu e mewali-wali meesa an jamaat.

3 Yohanes 1:9

Yaku imatico in surat kolek a sé jamaat, taan si Diotrefes si masalé' mamuali kikiiten an jamaat, sia ra'ica kiim luminga yaku.

Wahyu 13:17

Ra'ica wana tou e ro'na tumeles kuma'pa mangkér in sapa-sapake' sa sia ra'- ica wana tuus. Si tuus ituo e ngaran i binatang kataré kuma'pa nomor i ngaranna.