Yohanes 9:30 - En Taar Weru a nunuwu' é Tontemboan

³⁰ Isowat i tou itu ai séra, “Sia e méma' im berenku ro'na maséré, taan icaéranku ra'ica kailekan iow am bisa owo Sia mai!

Yohanes 9:30 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 21:42

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Lukas 7:22

Wo en ai sowat i Yesus ai séra, “Maréngo mangé a si Yohanes Mabaptis wo icuao mio' ai sia sapa sé sinéréo miow wo sé liningao miow: si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.”

Yohanes 12:37

Mandé ka'i kelio eng kakaya'kaan niéma' i Yesus an dior é tou Yahudi, taan Sia ra'ica émanen éra.

Yohanes 3:10

Isowat i Yesus, “Ico guru agama si pasiri-siriin é tou Israel, kéitu réén ra'ica kaangéanmu sé andumoro' in itu?

Yohanes 9:29

Kailekan ami sapaoka si Amang Kasuruan irumoma'o a si Musa, taan andumoro' si Tou itu ra'ica kailekan ami am bisa owo Sia imai.”

Yohanes 9:31

Kailekanta sapaoka si Amang Kasuruan ra'ica luminga sé tou iméma' ing kamesé-meséaan, taan en lingan-Na si séike' mangé si uli-ulit mengasiri' Sia wo si mengaéma' ing kasalé'an-Na.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.