Yohanes 9:29 - En Taar Weru a nunuwu' é Tontemboan

²⁹ Kailekan ami sapaoka si Amang Kasuruan irumoma'o a si Musa, taan andumoro' si Tou itu ra'ica kailekan ami am bisa owo Sia imai.”

Yohanes 9:29 ပူးပေါင်းရင်းမြစ်များ

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 26:61

icua éra a sé anggota Mahkamah Agama, “Si Tou anio' sumangkumo icumua sapaoka em Balé Le'nas ro'na tongkaren-Na wo wangunen-Na sumawel wayake' in telu ngando.”

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Yohanes 7:27

Taan sa si Kristus maai, ulit ra'ica wana en tou e makailek am bisa owo Sia mai. Taan kailekanta si Tou anio' a Nazaret owo, anaé ra'ica wona' wutul sa si Tou itu Kristus.”

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

Yohanes 8:14

Isowat i Yesus ai séra, “Mandé ka'i ra'ica wana tou walina e mamuali sairi eng kumeter ing kasairian-Ku anio', eng kasairian-Ku itu wutul. Ampa'paan kailekan-Ku am bisa owo Aku mai wo am bisa en angéan-Ku. Taan ra'ica kailekan iow am bisa owo Aku mai wo am bisa en angéan-Ku.

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”

Yohanes 9:30

Isowat i tou itu ai séra, “Sia e méma' im berenku ro'na maséré, taan icaéranku ra'ica kailekan iow am bisa owo Sia mai!

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 26:22

Taan yaku tinawang i Amang Kasuruan, siituo aku menonoué' akar asi endo anio'. Wo intarépé' aku makatulung am bia'i e méé kasairian andumoro' si Yesus ai camu im baya, tou sé iparangka-rangka' kuma'pa tou sé ipawawa-wawa'. Pakasa sé aicuaku itu meputé sé aicuao i Musa wo sé nabi indior.

Kisah Para Rasul 7:35

Si Musa anioo si ra'ica icasalé' é tou Israel, tutuw éra kumua ai sia, ‘Si séi réén e mangkai ico mamuali kikiiten ami wo makim icami?’ Taan si Musao ka'i si ayutus i Amang Kasuruan maké si malaékat-Na e mamuali kikiiten é tou Israel wo makawali iséra kumesot an tana' Mesir. Si malaékat itu mapaturu' ai sia an uner in api si icumesotai an dukut tutunéan.

Ibrani 1:1

Indior, penguri-ngurin i Amang Kasuruan maroma' a sé apo-apo'ta mengapaké sé nabi ang karapi i membam-balinaan en carana.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.