Yohanes 9:22 - En Taar Weru a nunuwu' é Tontemboan

²² Sé matu'ana icumua in taniitu, ampa'paan icaindé' éra sé kikiiten é tou Yahudi itu. Ampa'paan sé kikiiten é tou Yahudi imeesao, si séike' e mangaku si Yesus itu Mesias, séra itu ra'io toro muntep am balé paapo'an é agama Yahudi.

Yohanes 9:22 ပူးပေါင်းရင်းမြစ်များ

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 19:38

Awéan esa tou makangaran Yusuf, tou Arimatea. (Sia mengakiit si Yesus, taan ang karapi imaene-enep ampa'paan icaindé'na sé kikiiten é agama Yahudi.) Sia mangé mekiupus a si Pilatus wosama' énanna e mindo i mayat i Yesus e mangéna cubur. Kekawus niénan i Pilatus, wo mangéna itumpa e mayat itu ang kayu salip.

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 7:13

Taan ra'ica wana esa tou ka'i em brani kumua andumoro' Sia an dior é tou keli, ampa'paan caindé' éra sé kikiiten é agama Yahudi.

Yohanes 9:18

Taan sé kikiiten é tou Yahudi kasake' ra'ica mercaya sa si tou itu indior wola wo intarépé' ro'nao maséré. Ampa'paan in ituo, towan éra sé matu'ana,

Yohanes 9:21

Taan kéitu sia intarépé' ro'nao maséré, ra'ica kailekan ami, wo si séi e méma' isia ro'na maséré, ra'ica kailekan ami. Wuéieno mio' in esa ai sia, ampa'paan sia wangkoo wo ro'nao icuana in esa.”

Yohanes 9:34

Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.

Yohanes 9:35

Liningao i Yesus si tou wola itu ayuséro éra kumesot am balé paapo'an é agama Yahudi. Wo si Yesus meta'up wo si tou itu wo icua-Na ai sia, “Émanenmu si Toyaang i Tou?”

Kisah Para Rasul 4:18

Kekawus ako in itu, iru'du' éra muntep sumawel si Petrus wo si Yohanes wo peréntan éra wosama' ra'io toro ka'i mengaroma' kuma'pa mengasusui a sé tou mengapaké i ngaran Yesus.

Kisah Para Rasul 5:13

Keli sé tou masiri' ai séra, taan sé tou walina ra'ica wana em brani meesa wo iséra.

Kisah Para Rasul 5:40

Wo towan éra sé ruru'du'an itu wo tepian éra. Wo pinéro éra ka'i sé ruru'du'an itu wosama' ra'io sumusui maké i ngaran i Yesus. Kumawus ako itu iwekar éra sé ruru'du'an itu.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”