Yohanes 8:6 - En Taar Weru a nunuwu' é Tontemboan

⁶ Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

Yohanes 8:6 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 15:23

Taan si wéwéné itu wutu-wutul ra'ica niengkutan i Yesus. Wo sé murit-Na mai wo mangilek ai Sia, “Ru'du'o sia mangé, ampa'paan pengii-ngiitenna kita ang karapi imengangko-ngangko'.”

Matius 16:1

Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 19:3

Wo mai piraan tou Farisi en tuma'kong Sia. Wuéien éra ai Sia, “Sa kumiit in ukum in agamata, ro'na réén si tuama icumawéngo cuméré si penanaanna maké in alasan sapake' mangé?”

Matius 22:18

Taan kailekan i Yesus eng kaléwo'an in até éra, wo icua-Na ai séra, “Éi camu sé tou punek, kéitu réén kamu mangepé' a Yaku?

Matius 22:35

Wo awéan esa ai séra si makailek wutul in Torat, mangepé' tuma'kong si Yesus maké im buwuéien.

Matius 26:63

Taan si Yesus makapeneske'. Wo icua i imam wangko' ai Sia, “Ang karapi i ngaran i Amang Kasuruan si menonou, icuao mai ai cami, Ico réén si Kristus Toyaang i Amang Kasuruan, kuma'pa ra'ica?”

Markus 10:2

Wo mai sé tou Farisi e mangepé' a si Yesus. Wuéien éra ai Sia, “Ro'na réén si tuama icumawéngo cuméré si penanaanna?”

Markus 12:15

Taan kailekan i Yesus eng kapunekan éra wo icua-Na ai séra, “Kéitu réén kamu mangepé' a Yaku? Iwéé mai esa dinar wo sérén-Ku!”

Markus 3:2

Am bitu ka'i awéan piraan tou sé mawere-weren a si Yesus sa Sia sumama' si tou itu an endo Sabat, wosama' séra ro'na méé kaséaan ai Sia.

Markus 8:11

Kekawus in itu, imayo sé tou Farisi a si Yesus wo séra tumo'tolo meindo-indoan roma' ang karapi-Na e mangepé' Sia, pangileken éra esa tuus si an sorga owo.

Lukas 10:25

Asi makasa, awéan esa tou si makailek wutul in Torat tumulung wo mangepé' a si Yesus. Wo wuéienna a si Yesus, “Guru, sapa si musti émaanku e makéré ing katouan akar ing kauré-uré?”

Lukas 11:16

Wo awéan ka'i ai séra mangepé' Sia. Pangileken éra ai Sia wosama' ro'na méma' ing kakaya'kaan e méé tuus sapaoka eng kawasa-Na itu asi Amang Kasuruan owo.

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

1 Korintus 10:9

Wo kita ka'i tioo mengangepé' a si Kristus, kaputé im pengaémaan é piraan ai séra, akar séra imaté kinarét i ula'.