Yohanes 8:55 - En Taar Weru a nunuwu' é Tontemboan

⁵⁵ Taan Sia ra'ica katuusan iow, Yaku makatuus Sia. Sa woo Aku kumua Sia ra'ica katuusan-Ku, Yaku tou kotowo kaputé miow. Taan Aku makatuus Sia, wo le'tek an Taar-Na.

Yohanes 8:55 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Lukas 10:22

Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 15:21

Taan séra mokoi oka icamu, ampa'paan kamu makiit Yaku. Niéma' éra in taniitu ampa'paan Si Amang si mutusai Yaku ra'ica katuusan éra.

Yohanes 16:3

Émaan éra oka en itu ai camu, ampa'paan si Amang-Ku wo Yaku ka'i wutu-wutul ra'ica katuusan éra.

Yohanes 17:25

O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Yohanes 6:46

Ra'ica wana tou en sumangkumo suméré si Amang. Aluar Yaku en isuméréo si Amang ampa'paan Aku mai asi Amang Kasuruan owo.

Yohanes 8:19

Wo icua éra ai Sia, “Am bisa réén si Amang-Mu?” Isowat i Yesus ai séra, “Kamu ra'ica makatuus Yaku, wo ka'i ra'ica makatuus si Amang-Ku. Sa kamu makatuus Yaku, tantu katuusan ka'i miow si Amang-Ku.”

Yohanes 8:29

Wo Sia si mutusai Yaku, mewali-wali wo Yaku. Ra'ica kawisa wo iwaya-Na Yaku in esa, ampa'paan sapa sé pengéma-ngémaan-Ku maarui in até-Na.”

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Yohanes 8:51

En ulitna icua-Ku mangé ai camu, si séike' e makiit in aicua-Ku sia ra'ica maté akar ing kauré-uré.”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Kisah Para Rasul 17:23

Ampa'paan an tutuwku in lumi'cir ing kota miow, sinéréku em barang-barang pengaapo'an iow. Asi esa tampa pengaapo'an awéan paragésan si pinatican in tana'i. ‘A si Casuruan si ra'ica katuusan.’ Si Kasuruan si paapo'an iow taan ra'ica katuusan iow itu, Siao si cuaku ai camu.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

1 Yohanes 1:6

Sa icuata sapaoka kita menonou meesao wo Sia taan eng katouanta ang kariréimbenganné', kita itumowoo wo ra'ica mengaéma' in sususuien wutul.

1 Yohanes 2:22

Si séi réén si kotowo itu? Tantu si tou mengasangkal si Yesus itu Kristus. Siao si kaséké' i Kristus wo mengasangkal si Amang wo ka'i si Toyaang.

1 Yohanes 2:4

Si séi si mengakua, “Katuusanku si Amang Kasuruan” taan ra'ica mengakiit im perénta-Na, sia itu kotowo wo en sususuien wutul ra'ica an aténa.

1 Yohanes 5:10

Si séi si maéman a si Toyaang i Amang Kasuruan, sia itumerimao ing kasairian itu an aténa. Taan si séi e ra'ica maéman a si Amang Kasuruan, sia iméma'o si Amang Kasuruan kotowo ampa'paan sia ra'ica maéman ing kasairian i Amang Kasuruan andumoro' si Toyaang-Na itu.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.