Yohanes 8:47 - En Taar Weru a nunuwu' é Tontemboan

⁴⁷ Sé tou asi Amang Kasuruan owo mengalinga sapa sé ipakua-Na. Taan ra'ica pengalingan iow sapa sé ipakua-Na ampa'paan kamu ra'ica ai Sia owo.”

Yohanes 8:47 ပူးပေါင်းရင်းမြစ်များ

Yohanes 12:48

Taan si séike' eng kumélong Yaku wo ra'ica tumerima sé ipakua-Ku, séra ukumen oka i Amang Kasuruan asi endo kaka'puan kiit i nunuwu' sé aicua-Kuo.

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Yohanes 6:65

Wo icua ka'i i Yesus, “Ampa'paan in ituo aicua-Kuo ai camu: Ra'ica wana mandé esake' tou e ro'na mai a Yaku sa kumiitke' ing kasalé'anna in esa. Si esa wo si esa tou ro'na mai a Yaku ampa'paano si Amang e méma' sia mai a Yaku.”

Yohanes 8:37

Kailekan-Ku sa kamu anio' taranak i Abraham, taan kamu rumaméji e maté Yaku ampa'paan kamu ra'ica kiim tumerima in sususuien-Ku.

Yohanes 8:43

Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

Yohanes 8:45

Taan Aku mengakua in sususuien wutul ai camu, ampa'paan in itu Aku ra'ica papercayan iow.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

2 Yohanes 1:9

Si tou ra'io ka'i makiit in sususuien i Kristus wo makiit oka in sususuien walina, sia itu ra'ica makaanu si Amang Kasuruan. Taan si tou makiit in sususuien i Kristus, sia itu makaanu si Amang wo ka'i si Toyaang.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.