Yohanes 8:43 - En Taar Weru a nunuwu' é Tontemboan

⁴³ Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

Yohanes 8:43 ပူးပေါင်းရင်းမြစ်များ

Matius 13:15

Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Yohanes 5:43

Yaku mai ang karapi i ngaran i Amang-Ku, taan ra'ica kiim iow tumerima Yaku. Taan sa tou walina e mai ang karapi i ngaranna in esa, icasalé' miow tumerima sia.

Yohanes 6:60

Keli tou an uner é makii-kiit si Yesus iluminga sapa si pakua-Na itu wo séra mengkung-kuanan, “En sususuien anio' taloso uter. Ra'ica wana tou e makawoo kumiit in sususuien anio'.”

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Yohanes 8:27

Sé tou iluminga in itu, ra'ica kailekan éra sapa sé ipapaar i Yesus andumoro' si Amang Kasuruan Amang-Na.

Yohanes 8:33

Isowat éra ai Sia, “Kami anio' taranak i Abraham wo kami ra'ipé' kawisa mamuali ata i séike' mangé. Tumambisa réén Ko makua kami anio' ra'io ka'i mamuali ata?”

Yohanes 8:39

Isowat éra ai Sia, “Kami taranak i Abraham.” Icua i Yesus ai séra, “Sa kamu anio' wutul taranak i Abraham, tantuo em pengaémaan iow loor kaputé i Abraham.

Kisah Para Rasul 7:51

Kamu anio' keté ro'kos, tanu sé tou kumetéo in até ra'ica makiit si Amang Kasuruan wo ra'ica kiim mengalinga Sia. Kamu tatap mengasundur si Roh Le'nas tanu sé apo-apo' miow.

Roma 3:11

Ra'ica wana tou e makailek si wutul, wo ra'ica wana tou e masalé' makatuus si Amang Kasuruan, mandé esake'.