Yohanes 8:40 - En Taar Weru a nunuwu' é Tontemboan

⁴⁰ Aicua-Kuo ai camu en sususuien wutul sé lininga-Ku asi Amang Kasuruan, taan intarépé' kamu rumaméji maté Yaku. Si Abraham ra'ica kawisa méma' in tanu siitu.

Yohanes 8:40 ပူးပေါင်းရင်းမြစ်များ

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Yohanes 8:26

Keliané' sé icasalé'-Ku icua andumoro' icamu wo ing kameséaan iow, taan ra'ica kiim-Ku kumua in itu. En icua-Ku asaloke' sapa sé lininga-Ku asi Amang Kasuruan. Ampa'paan Sia si mutusai Yaku itu wutul.”

Yohanes 8:56

Si apo' miow Abraham arui keli ampa'paan sérénna oka en endo-Ku ang kayo'baan. Wo sinérénao en endo itu wo sia masalé-salé'.”

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

Galatia 4:16

Taan kéitu réén intarépé' nianggap iow aku tanu kaséké' miow? Ampa'paano réén aku icumuao in sususuien wutul andumoro' i Kristus ai camu?

Galatia 4:29

Indior si toyaang itumou iciit ing kasalé'an in tou, maokoi si toyaang itumou ampa'paan i Roh i Amang Kasuruan. Wo en okoi itu mengamualipé' akar intarépé'.

Wahyu 12:17

Wo si wéwéné itu cae'bow i naga, wo mangé serangenna sé taranak walina i wéwéné itu. Séra ituo sé tou makiit in ukum-ukum i Amang Kasuruan wo mawéé ing ka- sairian andumoro' si Yesus.

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.