Yohanes 8:39 - En Taar Weru a nunuwu' é Tontemboan

³⁹ Isowat éra ai Sia, “Kami taranak i Abraham.” Icua i Yesus ai séra, “Sa kamu anio' wutul taranak i Abraham, tantuo em pengaémaan iow loor kaputé i Abraham.

Yohanes 8:39 ပူးပေါင်းရင်းမြစ်များ

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Matius 5:45

Sa émaan iow taniitu, kamu mamuali toya-toyaang i Amang iow an sorga, si mantangai si yéndo a sé tou léwo' wo a sé tou sama' wo mawéé mai in uran a sé tou sé maéma' im butul wo a sé tou sé ra'ica mengaéma' im butul.

Yohanes 8:33

Isowat éra ai Sia, “Kami anio' taranak i Abraham wo kami ra'ipé' kawisa mamuali ata i séike' mangé. Tumambisa réén Ko makua kami anio' ra'io ka'i mamuali ata?”

Yohanes 8:37

Kailekan-Ku sa kamu anio' taranak i Abraham, taan kamu rumaméji e maté Yaku ampa'paan kamu ra'ica kiim tumerima in sususuien-Ku.

Yohanes 8:43

Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

Yohanes 8:56

Si apo' miow Abraham arui keli ampa'paan sérénna oka en endo-Ku ang kayo'baan. Wo sinérénao en endo itu wo sia masalé-salé'.”

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

Roma 4:16

Anaé, en janji i Amang Kasuruan itu, iwéé-Na ampa'paan sé tou maéman ai Sia. Itambér-Na en itu ampa'paan ing kaupusan-Na wosama' pakasa sé taranak i Abraham makéré in janji itu. Wo en janji itu ra'ica toronake' é tou Yahudi sé menonou makiit in ukum Torat, taan ka'i torona im pakasa sé tou maéman a si Amang Kasuruan, meputé si Abraham maéman ai Sia. Ampa'paan in ituo si Abraham mamuali amangta im pakasa é tou maéman.

Roma 9:7

Wo ka'i ra'ica pakasa sé taranak i Abraham itu toya-toyaang i Amang Kasuruan. Ampa'paan aicua i Amang Kasuruan a si Abraham, “Sé patuulen taranakmu wayake' sé taranak i Ishak.”

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Galatia 3:7

Anaé, kailekan iow sapaoka pakasa en tou maéman a si Amang Kasuruan, séra ituo sé taranak i Abraham.