Yohanes 8:37 - En Taar Weru a nunuwu' é Tontemboan

³⁷ Kailekan-Ku sa kamu anio' taranak i Abraham, taan kamu rumaméji e maté Yaku ampa'paan kamu ra'ica kiim tumerima in sususuien-Ku.

Yohanes 8:37 ပူးပေါင်းရင်းမြစ်များ

Matius 13:15

Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Yohanes 10:31

An tutuw é tou Yahudi luminga si Yesus icumua in taniitu, séra mitong ka'i watu em basa éra mangkil woo Sia.

Yohanes 11:53

Tumo'tol asi endo itu sé kikiiten é agama Yahudi meesa en até e maté si Yesus.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Yohanes 7:19

Ra'ica réén aiwééo i Musa en ukum Torat ai camu? Taan ra'ica wana mandé esake' asé icamu sé mengaéma' in ukum Torat itu. Kéitu réén kamu rumaméji e maté Yaku?”

Yohanes 7:25

Wo awéan piraan tou an Yerusalem sé cumua, “Ra'ica réén Sia anio' si paéré-érén é kikiitenta im patén?

Yohanes 8:33

Isowat éra ai Sia, “Kami anio' taranak i Abraham wo kami ra'ipé' kawisa mamuali ata i séike' mangé. Tumambisa réén Ko makua kami anio' ra'io ka'i mamuali ata?”

Yohanes 8:43

Kéitu réén ra'ica kaangéan iow sé ipakua-Ku? Ampa'paan ra'ica kiim iow luminga in sususuien-Ku.

Yohanes 8:56

Si apo' miow Abraham arui keli ampa'paan sérénna oka en endo-Ku ang kayo'baan. Wo sinérénao en endo itu wo sia masalé-salé'.”

Yohanes 8:59

An tutuw é tou Yahudi luminga en aicua i Yesus itu, séra mitong watu e mangkil Sia, taan si Yesus ra'io ka'i kaséréanai wo itela'u-Na em Balé Le'nas.

Yohanes 8:6

Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Roma 9:7

Wo ka'i ra'ica pakasa sé taranak i Abraham itu toya-toyaang i Amang Kasuruan. Ampa'paan aicua i Amang Kasuruan a si Abraham, “Sé patuulen taranakmu wayake' sé taranak i Ishak.”

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

1 Yohanes 2:14

Aipaticku ai icamu, éi toya-toyaang, ampa'paan kamu makatuuso si Amang. Aipaticku ka'i ai camu, éi amang-amang, ampa'paan kamu makatuuso Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan em paémanen iow keter. Wo en Taar i Casuruan menonou an até miow wo si léwo' kinalao miow.