Yohanes 8:36 - En Taar Weru a nunuwu' é Tontemboan

³⁶ Anaé, sa kamu émaan i Toyaang i Amang Kasuruan ra'io ang kakawasaan ing kamesé-meséaan, kamu anio' wutu-wutul ra'io ang kakawasaan ing kamesé-meséaan.

Yohanes 8:36 ပူးပေါင်းရင်းမြစ်များ

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Roma 8:2

Ampa'paan kita sé meesao ang karapi Kristus Yesus, tumerima i Roh i Amang Kasuruan si méé mai ing katouan weru ai cita. Wo kawasa a si Roh i Amang Kasuruan itu, mekar icita asi kawasa ing kamesé-meséaan si makawali icita am papaté.

1 Korintus 7:22

Ampa'paan si esa ata si tinowao eng kumiit si Casuruan, mandé sia itu atapé' taan sia meputé wo si tou ra'ica pakakawasan é tou walina an dior i Casuruan. Taniitu ka'i si tou ra'ica pakakawasan é tou walina si tinowao i Kristus, sia itu meputéo ata i Kristus.

2 Korintus 3:17

Si Casuruan ituo e Roh. Wo am bisa en awéan Roh i Casuruan, am bitu ka'i awéan kaloasan.

Galatia 5:1

Si Kristus iméma'o icita ra'io ka'i ang kakawasaan in ukum Torat, wosama' kita ra'io pakawa'kesen in ukum Torat. Ampa'paano in itu timboieno sumama-sama' eng kaloasan itu, wo tioo maréng menonou tanuoka ata si pakawa'kesen in ukum Torat.