Yohanes 8:28 - En Taar Weru a nunuwu' é Tontemboan

²⁸ Ampa'paan in itu, icua i Yesus ai séra, “An tutuw airangka' miow Aku Toyaang i Tou ang kayu salip, kakailekan oka miow Yakuo Sia si ipakua-Ku ai camu itu. Wo kakailekan iow oka ka'i Yaku ra'ica maéma' in sapa-sapa kumiit ing kasalé'an-Ku in esa, taan Yaku asaloke' kumua sapa sé aisusui i Amang-Ku.

Yohanes 8:28 ပူးပေါင်းရင်းမြစ်များ

Matius 24:5

Ampa'paan kelian tou e maai maké i ngaran-Ku wo makua in tana'i, ‘Yakuo si Kristus!’ Wo séra sumélé'kow oka sé tou keli.

Markus 13:6

Ampa'paan maai oka kelian tou maké i ngaran-Ku makua in tana'i, ‘Yakuo si Mesias’, wo séra sumélé'kow oka sé tou keli.

Lukas 21:8

Isowat i Yesus, “Matéi-téiro mangé kamu, wosama' kamu ra'- ica sélé'kow é tou. Ampa'paan kelian sé tou e maai sa wo mangaku sapaoka séra itu Yaku. Icua éra in tana'i, ‘Yakuo si Kristus!’ Wo icua éra ka'i, ‘En endo kaka'puan ing kayo'baan makatawio!’ Taan tioo percayan iow séra.

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 13:19

Icua-Ku en itu ai camu intarépé', mandé ka'i en itu ra'ipé' imamuali. Wo in taniitu sa en itu mamuali sa, percayan iow oka mai sapaoka Yakuo Sia.

Yohanes 16:10

Karua, ituru'-Na oka ai séra sapaoka Yakuo si wutul, ampa'paan Aku maangé oka a si Amang, wo Yaku ka'i ra'io kaséréan iow.

Yohanes 18:32

Aicua éra in taniitu wosama' lekepen en aicua i Yesus sa tumambisa Sia maté.

Yohanes 19:18

Asi tampa ituo Sia aisalip éra. Awéan ka'i rua tou walina sé aisalip mewali-wali wo si Yesus, si esa ang ka'biri si esa ang kakan, si Yesus an uner éra.

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 3:14

Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 4:26

Icua i Yesus ai sia, “Yakuo si Mesias, si mapaar ang karapimu.”

Yohanes 5:19

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.

Yohanes 5:30

Icua ka'i i Yesus, “Yaku ra'ica toro méma' sapa-sapa sa asalo kumiit ing kasalé'an-Ku in esa. Yaku mengaakim kumiit in sapa en lininga-Ku asi Amang-Ku owo. Wo Yaku maakim ra'ica marapit ampa'paan ra'ica kumiit ing kasalé'an-Ku in esa taan kumiit ing kasalé'an i Amang si mutusai Yaku.

Yohanes 6:38

Ampa'paan Aku tumumpao mai an sorga owo ra'ica méma' ing kasalé'an-Ku in esa taan méma' ing kasalé'an i Amang Kasuruan si mutuso mai Aku.

Yohanes 8:24

Ampa'paano in itu icua-Ku, kamu maté oka ang karapi in da'ica wana kaampungan ang kamesé-meséan iow. Ampa'paan sa ra'ica percayan iow Yakuo Sia, kamu maté oka ang karapi in da'ica wana kaampungan ang kamesé-meséaan iow.”

Yohanes 8:27

Sé tou iluminga in itu, ra'ica kailekan éra sapa sé ipapaar i Yesus andumoro' si Amang Kasuruan Amang-Na.

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Roma 1:4

taan sa sérén eng kale'nasan ing katouan-Na, Sia itu Toyaang i Amang Kasuruan. En tuusna an tutuw si Amang Kasuruan maké ing kawasa-Na itumou sumawel Sia an uner é tou imaté. Siao si Yesus Kristus Apo'ta.