Yohanes 8:26 - En Taar Weru a nunuwu' é Tontemboan

²⁶ Keliané' sé icasalé'-Ku icua andumoro' icamu wo ing kameséaan iow, taan ra'ica kiim-Ku kumua in itu. En icua-Ku asaloke' sapa sé lininga-Ku asi Amang Kasuruan. Ampa'paan Sia si mutusai Yaku itu wutul.”

Yohanes 8:26 ပူးပေါင်းရင်းမြစ်များ

Yohanes 15:15

Kamu ra'io ka'i tuulen-Ku ata, ampa'paan ra'ica kailekan i ata sapa en émaan i tuangna. Taan kamu patuulen-Ku kara-karapi, ampa'paan aicua-Kuo waya ai camu sapa-sapake' sé lininga-Kuo asi Amang-Ku.

Yohanes 16:12

Keliané' woo sé icasalé'-Ku icua ai camu, taan intarépé' ra'ipé' kawooan iow in tumerima.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 7:16

Isowat i Yesus ai séra, “Sé ipasusui-Ku anio', ra'ica sususuien a Yaku owo in esa, taan en anio' sususuien asi Amang Kasuruan owo si mutusai Yaku.

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

Yohanes 8:25

Wuéien éra ai Sia, “Si séi réén Ko?” Isowat i Yesus, “Si séi Yaku en ulitna, aicua-Kuo ai camu tumo'tolke' mai indior.

Yohanes 8:27

Sé tou iluminga in itu, ra'ica kailekan éra sapa sé ipapaar i Yesus andumoro' si Amang Kasuruan Amang-Na.

Yohanes 8:40

Aicua-Kuo ai camu en sususuien wutul sé lininga-Ku asi Amang Kasuruan, taan intarépé' kamu rumaméji maté Yaku. Si Abraham ra'ica kawisa méma' in tanu siitu.

2 Korintus 1:18

Sa aku jumanji ang karapi i ngaran i Amang Kasuruan si le'tek, en janjiku ai camu itu ra'ica maru-rua wasa.