Yohanes 8:21 - En Taar Weru a nunuwu' é Tontemboan

²¹ Icua ka'i i Yesus a sé kikiiten é agama Yahudi, “Ra'io uré ka'i itela'u-Kuo kamu, wo Yaku paéré-érén oka miow. Taan kamu maté oka ang karapi in da'ica wana kaampungan ang kamesé-meséaan iow. Kamu ra'ica icaangé an tampa angéan-Ku.”

Yohanes 8:21 ပူးပေါင်းရင်းမြစ်များ

Matius 23:39

Icua-Ku ai camu, tumo'tol asi oras anio' Yaku ra'io kaséréan iow. Sérén iow oka Aku, an oras-Ku maai sumawel, wo icua miow, ‘Irayoo mangé Sia si mai ang karapi ngaran i Amang Kasuruan.’ ”

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Yohanes 12:33

Si Yesus inumuwu' in taniitu eng kumua mulur tambisa Sia maté.

Yohanes 12:35

Icua i Yesus ai séra, “Ra'io uré en témpona en sendot itu mewali-wali wo icamu. Anaé, maya'o mangé ang karoro'an en sendot itu awéané' wosama' eng kariréimbengan ra'ica kumawasa icamu. Si séiké' mangé si mawaya' ang kariréimbengan, ra'io kailekanna am bisa en angéanna.

Yohanes 13:33

Icua ka'i i Yesus, “Éi toya-toyaang-Ku, Yaku ra'io mauré-uré mewali-wali wo icamu, wo pangérén oka miow Aku. Taan tanu sé aicua-Kuo a sé kikiiten é tou Yahudi, icua-Ku ka'i, em paangéan-Ku, kamu ra'ica icaangé am bitu.

Yohanes 7:34

Pangérén iow oka Aku, taan Aku ra'io peta'up iow. Wo en tampa angéan-Ku, kamu ra'ica icaangé am bitu.”

Yohanes 7:36

Sapa em basa-Na icumua in anio': Pangérén iow oka Aku, taan Aku ra'io peta'up iow wo kamu ra'ica icaangé am bitu?”

Yohanes 8:24

Ampa'paano in itu icua-Ku, kamu maté oka ang karapi in da'ica wana kaampungan ang kamesé-meséan iow. Ampa'paan sa ra'ica percayan iow Yakuo Sia, kamu maté oka ang karapi in da'ica wana kaampungan ang kamesé-meséaan iow.”

Efesus 2:1

Indior an tutuw iow ra'ipé' maéman, kamu ayandé tanuoka sé tou imatéo, ampa'paan mengaéma' ing kamesé-meséaan wo masundur im perénta-perénta i Amang Kasuruan.