Yohanes 8:20 - En Taar Weru a nunuwu' é Tontemboan

²⁰ E nunuwu' anio' aicua i Yesus tutuw Sia masusui an diit im piti-piti pengapumpunan in doit raragés am Balé Le'nas. Taan ra'- ica wana mandé esake' tou en tumangka' Sia, ampa'paan ra'ipé' an témpona.

Yohanes 8:20 ပူးပေါင်းရင်းမြစ်များ

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Matius 27:6

Wo pitongen é kikiiten é imam en doit pérak itu wo icua éra, “En doit anio' ra'ica toro yuntep am pawetaan i raragés am Balé Le'nas ampa'paan en doit anio' roit in enda'.”

Markus 12:41

Asi makasa si Yesus lumukut makasaru im piti papumpunan in doit raragésan, wo peméa-méan-Na rékén tambisa sé tou keli mapumpun in doit am piti itu. Kelian tou siya' mengawéé roit keli.

Markus 12:43

Wo towan i Yesus sé murit-Na wo kumua, “En ulitna icua-Ku mangé ai camu, si aipumpun i wéwéné balu lengéi am piti raragésan anio' eng kumeli mai wo sé aipumpun é pakasa é tou itu.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 21:1

An tutuw i Yesus am Balé Le'nas, peméa-méan-Na rékén sé tou siya' mengapumpun in doit am piti papumpunan in doit raragés.

Yohanes 10:39

Kekawus i Yesus kumua in taniitu, séra rumaméji ka'i en tumangka' Sia, taan Sia aicaséipke' en tangkaan éra.

Yohanes 2:4

Icua i Yesus a si inang-Na, “Kéitu réén si inang rumu'du' in taniitu a Yaku? Ra'ipé' an témpona ituru'-Ku si séi Aku.”

Yohanes 7:14

Wo ang karoro'an i mapésta, si Yesus muntep ang kintal im Balé Le'nas wo tumo'tolo Sia sumusui.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:44

Piraan tou ai séra masalé' tumangka' Sia, taan ra'ica wana mandé esaan tou ka'i e ro'na méma' in sapa-sapa ai Sia.

Yohanes 7:8

Icamuo taré sé maangé am pésta pata'néian in endo wangko' itu. Sa Aku ra'ipé' maangé ampa'paan ra'ipé' an témpona Aku maangé.”

Yohanes 8:2

Asi woondona mai, tutuw imamoondopé' keli, si Yesus maréng angé ka'i am Balé Le'nas, wo keli en tou sé imai ai Sia. Wo Sia lumukut en sumusui ai séra.

Yohanes 8:59

An tutuw é tou Yahudi luminga en aicua i Yesus itu, séra mitong watu e mangkil Sia, taan si Yesus ra'io ka'i kaséréanai wo itela'u-Na em Balé Le'nas.