Yohanes 8:15 - En Taar Weru a nunuwu' é Tontemboan

¹⁵ Yaku akimen iow kumiit ing kanaramen é tou. Taan Aku mandé esake' en tou ra'ica wana en akimen-Ku.

Yohanes 8:15 ပူးပေါင်းရင်းမြစ်များ

Lukas 12:14

Taan icua i Yesus ai sia, “Éi poow, si séi réén e mangkai Yaku mamuali akim kuma'pa mengawéténg im budel si aitela'u é matu'a miow?”

Yohanes 12:47

Sé tou luminga sé ipakua-Ku, taan ra'ica paémaanna, ra'ica Yaku e makim iséra. Ampa'paan Yaku mai ang kayo'baan anio' ra'ica i makim sé tou taan en lumowir séra.

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 7:24

Tioo maakim in tou kumiit sapa sé pakasérénke' ang kesot wo sé lininga miow, taan akimeno ang karapi in da'ica marapit.”

Yohanes 8:11

Isowat i wéwéné itu a si Yesus, “Ra'ica wana karu', é Tuang.” Wo icua i Yesus ai sia, “Si inang ka'i ra'ica ukumen-Ku. Maréngo taré wo tumo'tol intarépé' nomoo ka'i mengaéma' ing kamesé-meséaan.”

Roma 2:1

Éi poo-poow, kailekan iow sapaoka sé tou mengaéma' ing kaléwo'an ukumen oka i Amang Kasuruan. Anaé, si séi réén kamu akar akimen iow sé tou walina? Kamu in esa ka'i ra'ica icawekar ang kameséaan! Ampa'paan sa kamu maakim sé tou walina taan kamu in esa maéma' ing kameséaan tanu iséra, eng kaangéanna kamu imakimo ka'i in owak iow in esa.

1 Korintus 2:15

Si tou makaanu i Roh i Amang Kasuruan, sia makawoo numilai in sapa-sapake', taan ra'ica wana mandé esake' tou e ro'na numilai sia.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

Yakobus 2:4

E niéma' miow itu mamualio tuus sapaoka ra'ica pengapeputén iow masiri' in tou wo tanu mamualio akim ang karapi i mawasa in léwo'.