Yohanes 8:11 - En Taar Weru a nunuwu' é Tontemboan

¹¹ Isowat i wéwéné itu a si Yesus, “Ra'ica wana karu', é Tuang.” Wo icua i Yesus ai sia, “Si inang ka'i ra'ica ukumen-Ku. Maréngo taré wo tumo'tol intarépé' nomoo ka'i mengaéma' ing kamesé-meséaan.”

Yohanes 8:11 ပူးပေါင်းရင်းမြစ်များ

Lukas 13:3

Icua-Ku ai camu ra'ica! Taan weroten iow sumama-sama', sa kamu ra'ica mape'dis ang kamesé-meséaan, icamu im baya ka'i maté oka tanu iséra.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 5:32

Yaku mai ra'ica en tumowa sé tou wutul, taan tumowa sé tou iméma' ing kamesé-meséaan wosama' séra ro'na mape'dis.”

Lukas 9:56

Wo séra mangé an doong walina.

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Yohanes 8:15

Yaku akimen iow kumiit ing kanaramen é tou. Taan Aku mandé esake' en tou ra'ica wana en akimen-Ku.

Roma 2:4

Si Amang Kasuruan itu en até-Na sama', talesen wo wuta ing kaupusan. Taan tioo paepesen iow im beren em pakasa in itu wo mawerot ra'io sangali mape'dis! Ra'ica réén kailekan iow sapaoka ituru' i Amang Kasuruan eng kasamaan in até-Na itu wosama' kamu mape'dis ang kamesé-meséaan?

1 Korintus 5:12

En ulitna ra'ica tawoienku mengaakim sé tou sé ra'ica makatuus si Amang Kasuruan. Taan sa sé tou an jamaat mengaéma' ing kaséaan, kamu in esao e makim iséra.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.