Yohanes 7:37 - En Taar Weru a nunuwu' é Tontemboan

³⁷ Asi endo kaakaran si endo penting keli asi pésta in endo wangko' Terung Lalaina itu, tumulungo mai si Yesus wo kumua in taangko' a sé tou keli, “Si séike' si maré'om, aweso taré sia mai a Yaku wo wéan-Ku oka elepen.

Yohanes 7:37 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Matius 3:3

En ulitna si Yohanes anioo si tou si aicuao i nabi Yesaya indior tana'i, “Awéan oka tou mengangko-ngangko' an tana' kapayasan, ‘Tu'tuleno en lalan torona i Casuruan, wo rondoren en lalan langkoian-Na.’ ”

Matius 5:6

Pakakamangen sé tou maarem wo maré'om ing kasalé'an i Amang Kasuruan, ampa'paan séra aruien oka.

Yohanes 1:23

Isowat i Yohanes, “Yakuo si tou si aicua i nabi Yesaya indior, awéan oka tou mengangko-ngangko' an tana' kapayasan, ‘Rondoren en lalan langkoian-Na!’ ”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yohanes 4:11

Icua i wéwéné itu a si Yesus, “Si Tuang ra'ica wana ipasaap in dano, wo em parigi anio' rarem keli. Tumambisa réén si Tuang makéré in dano si mawéé ing katouan itu?

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 6:35

Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:55

Ampa'paan en owak-Ku itu kakanen wutul wo en enda'-Ku itu elepen wutul.

Yohanes 7:28

An tutuw i Yesus ang karoro'ané' masusui am Balé Le'nas, Sia taangko' i makua, “Wutul kamu makatuus Yaku wo kailekan iow Aku am bisa owo mai. Taan Aku mai ra'ica ampa'paan ing kasalé'an-Ku in esa. Yaku mai ampa'paan si Amang Kasuruan e mutusai Yaku. Sia itu wutul, taan Sia ra'ica katuusan iow.

1 Korintus 10:21

Sa kamu imelepo in anggor asi paelepan am perjamuan i Casuruan, kamu ra'io toro ka'i melep asi paelepan in anggor torona é roh léwo'. Sa kamu icumano a méja im perjamuan i Casuruan, kamu ra'io toro ka'i kuman asi méja pengaapo'an torona é roh léwo'.

1 Korintus 10:4

Wo séra im baya ka'i melep asi rano si meputéo si aiwéé i Amang Kasuruan iciit ing kawasa-Na. Si rano nielep éra itu, malemboi asi watu wangker asi Amang Kasuruan owo. Wo si watu itu tumuru' a si Kristus si mewali-wali wo iséra.

1 Korintus 11:25

Taniitu ka'i, kumawus ako séra icuman roti, indon i Apo' Yesus em paelepan in anggor wo icua-Na a sé murit-Na. “En anggor an untep im paelepan anio' tanu perjanjian weru si nisahkano in enda'-Ku. Susur iow melep in anio', émaano mangé en anio' en tuma'néi Yaku.”

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.

Efesus 5:18

Tioo kamu malangu-langu ampa'paan in elepen pengakalangun e méma' icamu ra'ica makawoo kumawasa in owak. Taan aweso taré en owak iow pakakawasan i Roh i Amang Kasuruan.

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.