Yohanes 7:33 - En Taar Weru a nunuwu' é Tontemboan

³³ Wo si Yesus makuapé' a sé tou keli, “Ra'io uré ka'i en témpo-Ku mewali-wali wo icamu, kumawus in itu Aku maréngo mangé ai Sia si mutusai Yaku.

Yohanes 7:33 ပူးပေါင်းရင်းမြစ်များ

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Yohanes 13:1

Matawio en endo wangko' Paska wo kailekano i Yesus ra'io uré ka'i tela'u-Na eng kayo'baan anio' e maréng angé sumawel a si Amang-Na. Ipaupu-upus-Na keli sé tou sé imamualio anu-Na ang kayo'baan anio', wo icaupus-Na séra akar ing kaakaran ing katouan-Na.

Yohanes 13:3

Kailekan i Yesus pakasa eng kawasa aiwééo mai i Amang-Na ai Sia. Kailekan-Na ka'i Sia mai asi Amang Kasuruan owo wo maréng oka ai Sia.

Yohanes 13:33

Icua ka'i i Yesus, “Éi toya-toyaang-Ku, Yaku ra'io mauré-uré mewali-wali wo icamu, wo pangérén oka miow Aku. Taan tanu sé aicua-Kuo a sé kikiiten é tou Yahudi, icua-Ku ka'i, em paangéan-Ku, kamu ra'ica icaangé am bitu.

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 14:19

Ra'io uré ka'i, Yaku ra'io sérén é tou ang kayo'baan anio', taan sérén oka ka'i miow Aku ampa'paan Yaku tumou oka sumawel. Yaku tumou sumawel, anaé kamu ka'i tumou oka sumawel.

Yohanes 14:28

Liningao miow sé aicua-Ku, Yaku maangé taan Aku maai oka sumawel ai camu. Sa kamu uli-ulit mengaupus Yaku, kamu arui oka sa Aku mangé a si Amang-Ku, ampa'paan si Amang-Ku en lébé wangko' mai wo Yaku.

Yohanes 16:10

Karua, ituru'-Na oka ai séra sapaoka Yakuo si wutul, ampa'paan Aku maangé oka a si Amang, wo Yaku ka'i ra'io kaséréan iow.

Yohanes 16:28

Yaku asi Amang owo, wo mai ang kayo'baan anio'. Wo intarépé' itela'u-Ku ka'i eng kayo'baan anio' wo maréng angé sumawel a si Amang-Ku.”

Yohanes 16:5

Taan intarépé' Aku maangém a si Amang si mutuso mai Yaku, wo ra'ica ka'i wana esaan tou ai camu e mamuéi a Yaku, am bisa em paangéan-Ku.

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Yohanes 17:13

Taan intarépé' Yaku mai a si Amang. Wo ang karoro'an Aku ang kayo'baané', icua-Ku waya en anio' ai séra, wosama' séra mendam in arui keli kaputé in até-Ku mendam ka'i in arui.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 9:4

Ang karoro'an in endopé' musti émaanta en tawoien si aiwéé i Amang Kasuruan si mutusai Yaku. Sa imawengio, ra'io ka'i wana esaan tou e ro'na tumawoi.