Yohanes 7:3 - En Taar Weru a nunuwu' é Tontemboan

³ Anaé, icua é poo-poow i Yesus ai Sia, “Lébé loor itela'u-Mu en tampa anio' wo Ko mangé an Yudea en tuma'néi in endo wangko', wosama' sé tou mengakiit ai Co ro'na suméré ka'i in tawoien sé émaan-Mu sa.

Yohanes 7:3 ပူးပေါင်းရင်းမြစ်များ

Matius 12:46

An tutuw i Yesus mapaaré' wo sé tou keli itu, si inang-Na wo sé mepoow wo i Sia mai am bitu. Séra makatulung ang kesot rumaméji meta'up wo Sia.

Markus 3:21

An tutuw é pamalé-Na luminga Sia am bitu, séra mai e mindo woo Sia, ampa'paan ipakua é tou Sia imanganga'o.

Markus 3:31

Si inang wo sé mepoow wo si Yesus mai am balé pengasusuian-Na. Ang karoro'an éra i makatulung ang kesot, iru'du' éra tou e mangé tumowa Sia.

Lukas 8:19

Si inang wo sé mepoow wo si Yesus, mai ai Sia, taan séra ra'ica icaruru mangé ai Sia ampa'paan keli en tou.

Lukas 8:20

Wo awéan esa tou mangé kumua ai Sia, “Tuang, si inang wo sé mepoow wo si Tuang ang kesot. Séra masalé' meta'up wo si Tuang.”

Yohanes 2:2

Si Yesus wo sé murit-Na nienot ka'i mai am pésta kawéng itu.

Yohanes 6:60

Keli tou an uner é makii-kiit si Yesus iluminga sapa si pakua-Na itu wo séra mengkung-kuanan, “En sususuien anio' taloso uter. Ra'ica wana tou e makawoo kumiit in sususuien anio'.”

Yohanes 6:66

Tumo'tolai asi oras itu, keli en tou sé mengakiit si Yesus tumela'u Sia, wo ra'io kiim ka'i kumiit Sia.

Yohanes 7:10

Taan kekawus é poo-poow i Yesus mangém an Yerusalem en tuma'néi in endo wangko' itu, si Yesus mangé ka'i ang karapi i maene-enep akar ra'ica kinailekan é tou.

Yohanes 7:4

Ampa'paan sa si esa tou masalé' katuusan é tou keli, sapake' en émaanna ra'ica ipaenep-enepna. Anaé, sa émaan-Mu en tawoien itu, ituru'o mio' en owak-Mu a sé im pakasa in tou ang kayo'baan.”

Yohanes 7:5

Aicua é poo-poow i Yesus in taniitu, ampa'paan séra in esa ka'i ra'ipé' mercaya sa Sia itu ayutus i Amang Kasuruan.

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.