Yohanes 7:27 - En Taar Weru a nunuwu' é Tontemboan

²⁷ Taan sa si Kristus maai, ulit ra'ica wana en tou e makailek am bisa owo Sia mai. Taan kailekanta si Tou anio' a Nazaret owo, anaé ra'ica wona' wutul sa si Tou itu Kristus.”

Yohanes 7:27 ပူးပေါင်းရင်းမြစ်များ

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Yohanes 6:42

Icua éra, “Ra'ica réén Sia anio' si Yesus, toyaang i Yusuf? Si amang wo si inang-Na katuusanta. Kéitu réén intarépé' ipakua-Na Sia itu tumumpao mai an sorga owo?”

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Yohanes 9:29

Kailekan ami sapaoka si Amang Kasuruan irumoma'o a si Musa, taan andumoro' si Tou itu ra'ica kailekan ami am bisa owo Sia imai.”

Kisah Para Rasul 8:33

Sia ipaséro' é tou wo pengaémaan éra marapitke'. Si séi oka en sumisil andumoro' sé taranak-Na? Ampa'paan en aseng-Na indon oka ang kayo'baan.”