Yohanes 7:15 - En Taar Weru a nunuwu' é Tontemboan

¹⁵ Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Yohanes 7:15 ပူးပေါင်းရင်းမြစ်များ

Matius 13:54

Wo icateka'o mangé Sia an doong-Na, am bitu Sia sumusui a sé tou am balé paapo'an é agama Yahudi. Séra mangaya-ngaya'ka' wo kumua, “Am bisa réén eng kinéréan-Na ing kapinteran itu wo ing kawasa e méma' ing kakaya'kaan-kakaya'kaan itu?

Matius 22:22

Kelinga in itu séra mangaya-ngaya'ka' wo itela'u éra si Yesus wo mangém.

Matius 22:33

Kelinga é tou keli en aicua i Yesus, séra mangaya-ngaya'ka' ampa'paan icasalé' éra keli en sususuien-Na itu.

Lukas 2:47

Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 7:11

Asi endo wangko' itu an Yerusalem Sia paéré-érén é kikiiten é agama Yahudi, wo séra membum-buéian, “Am bisa réén Sia?”

Yohanes 7:13

Taan ra'ica wana esa tou ka'i em brani kumua andumoro' Sia an dior é tou keli, ampa'paan caindé' éra sé kikiiten é agama Yahudi.

Yohanes 7:46

Wo isowat é mengatéir im Balé Le'nas itu, “Ra'ipé' wana tou en sinéré ami mai menganuwu' kaputé Sia!”

Kisah Para Rasul 26:24

Ang karoro'an i Paulus mabéla in owakna, wo positen i Festus i rumoma' ang kerapi in depet, “Ra'io lekep ko é Paulus! Ico keliano eng kailekan, akar em ipakawerotmu ra'io wutul.”

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.