Yohanes 7:12 - En Taar Weru a nunuwu' é Tontemboan

¹² Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

Yohanes 7:12 ပူးပေါင်းရင်းမြစ်များ

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 21:46

Anaé, raméjin éra in tumangka' Sia, taan icaindé' éra sé tou keli, ampa'paan kailekan éra si Yesus itu nabi.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Lukas 18:19

Isowat i Yesus, “Kéitu réén ko kumua Yaku tou sama'? Ra'- ica wana esaan ka'i tou en sama', wayake' si Amang Kasuruan en sama'.

Lukas 23:47

An tutuw sérén i kikiiten é suraro Romawi sapa e imamuali wo sia rumayo si Amang Kasuruan, icuana, “Si Tou anio' uli-ulit ra'ica wana kaséaan!”

Lukas 23:50

Awéan esa tou makangaran Yusuf, anggota Mahkamah Agama Yahudi, tou loor wo ka'i mengaéma' im butul an dior i Amang Kasuruan.

Lukas 6:45

Si tou sama' em ipanuwu'na asaloke' in andumoro' sé loor, ampa'paan an untep in aténa wuta in andumoro' sé loor. Taan si tou léwo' em ipanuwu'na asaloke' sé léwo', ampa'paan an untep in aténa wuta in andumoro' sé léwo'. Ampa'paan sapa sé ayéma' an aténa, siituo en lumembo mai am ba'ba'.”

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 7:32

Kalingaan é tou Farisi, keli tou mengkeng-kewitan andumoro' si Yesus. Ampa'paan in ituo, iru'du' é kikiiten é imam wo sé tou Farisi sé matéir am Balé Le'nas en tumangka' si Yesus.

Yohanes 7:47

Wo isowat é tou Farisi ai séra, “O! Aisélé'kow-Nao ka'i réén kamu?

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Yohanes 9:16

Wo icua é piraan tou Farisi walina, “Si tou mengaéma' in itu, ra'ica asi Amang Kasuruan owo, ampa'paan sia ra'ica makiit in atoran in endo Sabat.” Taan icua é tou walina, “Si tou anio' ra'ica tou iméma' ing kamesé-meséaan. Ampa'paan sé tou iméma' ing kamesé-meséaan ra'ica kaémaan éra en tuus kakaya'kaan tanu siitu.” Wo iséra wo iséra ra'io mengkakiitan.

Kisah Para Rasul 11:24

Si Barnabas itu tou sama', kinawasa i Roh Le'nas wo ka'i wutu-wutul maéman a si Casuruan. Ampa'paano in itu kelian tou sé iluminga in sina'una mamuali maéman a si Apo' Yesus.

Roma 5:7

Ampa'paan torona é tou nianggap wutul, ra'ica wana wona' tou e masalé' maté wo torona é tou loor awéan wona' tou em brani maté.

Filipi 2:14

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma',