Yohanes 7:10 - En Taar Weru a nunuwu' é Tontemboan

¹⁰ Taan kekawus é poo-poow i Yesus mangém an Yerusalem en tuma'néi in endo wangko' itu, si Yesus mangé ka'i ang karapi i maene-enep akar ra'ica kinailekan é tou.

Yohanes 7:10 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Matius 12:46

An tutuw i Yesus mapaaré' wo sé tou keli itu, si inang-Na wo sé mepoow wo i Sia mai am bitu. Séra makatulung ang kesot rumaméji meta'up wo Sia.

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Markus 3:21

An tutuw é pamalé-Na luminga Sia am bitu, séra mai e mindo woo Sia, ampa'paan ipakua é tou Sia imanganga'o.

Yohanes 11:54

Ampa'paan in itu, si Yesus ra'io mapaturu-turu' ka'i a sé tou keli an uner é tou Yahudi. Itela'u-Na en Yerusalem wo Sia mangé ang kota makangaran Efraim si menduruan wo en tana' kapayasan. Sia mento' am bitu mewali-wali wo sé murit-Na.

Yohanes 7:3

Anaé, icua é poo-poow i Yesus ai Sia, “Lébé loor itela'u-Mu en tampa anio' wo Ko mangé an Yudea en tuma'néi in endo wangko', wosama' sé tou mengakiit ai Co ro'na suméré ka'i in tawoien sé émaan-Mu sa.

Yohanes 7:5

Aicua é poo-poow i Yesus in taniitu, ampa'paan séra in esa ka'i ra'ipé' mercaya sa Sia itu ayutus i Amang Kasuruan.

Yohanes 7:9

Taniitu en aicua i Yesus a sé tuari-Na, wo Sia ka'i mento' ang Galilea.

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.