Yohanes 6:9 - En Taar Weru a nunuwu' é Tontemboan

⁹ “Am bia'i awéan toyaang tuama makaanu lima ngapokol roti wo rua sera'. Taan pakasa en itu ra'ica wana en torona a sé tou sé taniitu eng kakeli anio'.”

Yohanes 6:9 ပူးပေါင်းရင်းမြစ်များ

Matius 14:17

Isowat éra, “Guru, eng kakanen ai cami wayake' in lima roti wo rua sera'.”

Matius 16:9

Ra'ipé' réén kaangéan iow? Wo ra'io réén kata'néian iow andumoro' in lima roti sé kinan é lima ngariwu tou itu wo pira wantang e roti imatela'u sé niumung iow?

Markus 6:38

Taan icua i Yesus ai séra, “Pira réén eng kakeli i roti ai camu? Mangéo ti'tiren!” Pakati'tiren éra mako wo icua éra, “Lima e roti wo rua en sera'.”

Markus 8:19

An tutuw-Ku in tume'bi' sé lima roti eng kinan é lima ngariwu tou itu, pira réén wantang tiruw e roti sé tine'bi-te'bi' niumung iow?” Isowat éra, “Sangapulu' rua wantang.”

Lukas 9:13

Taan icua i Yesus a sé murit-Na, “Séra musti wéan iow kanen!” Isowat é murit-Na, “Amang, awéan ai cami wayake' in lima roti wo rua sera', aluar sa icasalé' i Amang kami mangé tumeles ing kakanen em béé ai séra.”

Yohanes 11:21

Wo meta'upo si Marta wo si Yesus, icua i Marta ai Sia, “Tuang, sa woo si Tuang am bia'i an tutuw itu, si poowku ulit ra'ica maté.

Yohanes 11:32

An tutuw i Maria cateka' an tampa i Yesus makaento' wo sinérénao Sia, wo si Maria makala'us kumundu an dior ing kécéi i Yesus wo kumua ai Sia, “Tuang, sa Ko am bia'i, tantu si poowku ra'ica imaté.”

Yohanes 21:10

Icua i Yesus ai séra, “Paalianai piraan sera' sé pakatangkaané' miow itu.”

Yohanes 21:13

Wo si Yesus rumuru, indon-Na e roti wo iwéé-Na ai séra. Taniitu ka'i mai wo sé sera' itu.

Yohanes 21:9

An tutuw éra in tumana'o, sérén éra awéan waa in api, wo am bawona awéan sera' wo roti.

Yohanes 6:11

Wo indon i Yesus e roti itu, wo Sia kumua i makapulu'sama' a si Amang Kasuruan wo yéké-éké-Na ai séra sé makalukut. Taniitu ka'i e niéma'-Na a sé sera' itu. Wo séra kuman akar imawesu.

Yohanes 6:7

Isowat i Filipus a si Yesus, “Mandé ka'i telesta roti makawééna in dua ngaatus dinar wo iwéténgta a si esa wo si esa mandé mekélé teké'ke', sé walina ra'ica kawéténgan.”

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Wahyu 6:6

Wo palinganku tanu awéan suara an uner é epat mahluk itu makua in tana'i, “Sanga liter sléi em bééna esa dinar, wo telu liter gandum em bééna esa dinar. Taan tioo peléwoon en solo wo en anggor itu.”