Yohanes 6:71 - En Taar Weru a nunuwu' é Tontemboan

⁷¹ Em peangé-angén i Yesus itu si Yudas, si toyaang i Simon Iskariot. Ampa'paan si Yudas en sumarakan oka si Yesus a sé kaséké', mandé ka'i sia itu esaan tou asé sangapulu' rua murit-Na.

Yohanes 6:71 ပူးပေါင်းရင်းမြစ်များ

Matius 10:2

Sé anioo e ngaran é sangapulu' rua ruru'du'an i Yesus itu: Si kataré Simon si pengatuulen Petrus, Andreas si metuari wo si Simon, Yakobus wo Yohanes toya-toyaang i Zebedeus,

Matius 10:4

Simon tou Zelot, wo si Yudas Iskariot si kumianat oka si Yesus.

Markus 14:10

Wo si Yudas Iskariot esaan asé sangapulu' rua murit i Yesus, mangé a sé kikiiten é imam eng kumua im basana en sumarakan si Yesus ai séra.

Yohanes 12:4

Taan esaan asé murit i Yesus, makangaran i Yudas Iskariot si sumarakan oka si Yesus kumua,

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Yohanes 13:26

Isowat i Yesus ai sia, “Si tou si wéan-Ku oka i roti si aito'to'-Ku am paelepan, isiao si tou itu.” Makaroma' mako, wo si Yesus mindo sangate'bi' roti, ito'to'-Na mio' am paelepan, wo iwéé-Na a si Yudas toyaang i Simon Iskariot.

Yohanes 2:2

Si Yesus wo sé murit-Na nienot ka'i mai am pésta kawéng itu.

Yohanes 20:24

Si Tomas si pengatuulen Didimus esaan asé sangapulu' rua murit i Yesus. An tutuw i Yesus mai mapaturu' in owak a sé murit-Na itu, si Tomas ra'ica mewali-wali wo iséra.

Yohanes 6:64

Taan an uner iow awéan sé ra'ica maéman.” Icua i Yesus in taniitu, ampa'paan asi catarépé' kailekan-Na sé ra'ica maéman wo si sumarakan Sia a sé kaséké'.

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Yudas 1:4

Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.