Yohanes 6:68 - En Taar Weru a nunuwu' é Tontemboan

⁶⁸ Isowat i Simon Petrus ai Sia, “Tuang, asi séi oka en angéan ami? Wayake' si Apo' Yesus e mengakua in Taar andumoro' tumambisa kami menonou akar ing kauré-uré.

Yohanes 6:68 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Markus 8:29

Wo wuéien-Na ai séra, “Taan sa iciit icamu si séi réén Aku?” Isowat i Petrus, “Si Guruo si Mesias!”

Lukas 9:20

Wo wuéien sumawel i Yesus ai séra, “Sa kiit icamu, si séi réén Aku?” Isowat i Petrus, “Si Guruo si Mesias asi Amang Kasuruan owo!”

Yohanes 12:49

Ampa'paan e nunuwu'-Ku ra'ica an owak-Ku in esa owo, taan asi Amang si mutuso mai Yaku. Siao si rumu'du'o mai Yaku eng kumua sapa si musti icua.

Yohanes 12:50

Wo kailekan-Ku em perénta-Na itu makawali sé tou ang katouan akar ing kauré-uré. Ampa'paan in ituo, sapa sé ipakua-Ku meputé wo si aicua i Amang a Yaku.”

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Kisah Para Rasul 5:20

“Mangém wo tumulungo ang kintal im Balé Le'nas wo isusuio mangé a sé tou en taar andumoro' ing katouan weru.”

Kisah Para Rasul 7:38

Si Musa anio' si mewali-wali wo sé apo-apo'ta tou Israel an tana' kapayasan. An tutuw ang kuntung Sinai, awéan malaékat mai mepaar wo isia en icua a sé apo-apo'ta, siituo en taar i Amang Kasuruan si tinerimana si méma' icita menonou.

Kisah Para Rasul 8:37

Wo isowat i Filipus, “Sa si tuang maéman a si Yesus Kristus ang karapi in lekep en até, ro'nao baptisen.” Isowat i kikiiten itu, “Yaku wutu-wutul maéman sa si Yesus Kristus itu Toyaang i Amang Kasuruan.”]