Yohanes 6:59 - En Taar Weru a nunuwu' é Tontemboan

⁵⁹ Pakasa en anio' aicua i Yesus ang Kapernaum an tutuw-Na masusui am balé paapo'an é agama Yahudi.

Yohanes 6:59 ပူးပေါင်းရင်းမြစ်များ

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Lukas 4:31

Kekawus in itu, si Yesus mangé ang Kapernaum si esa kota ang Galilea. Asi endo Sabat Sia sumusui a sé tou am balé paapo'- an é agama Yahudi.

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 6:17

Asi témpo itu wengio wo si Yesus ra'ipé' ka'i mai meta'up wo iséra. Wo séra sumaké an londéi, lumewet in lour maangé ang Kapernaum.

Yohanes 6:24

Anaé, ampa'paan sinéréo é tou keli si Yesus wo sé murit-Na ra'ica am bitu, sé tou keli itu sumaké an londé-londéi sé mai ang kota Tiberias owo wo mangé ang Kapernaum e mangéré si Yesus.