Yohanes 6:5 - En Taar Weru a nunuwu' é Tontemboan

⁵ An tutuw i Yesus suméré an li'cir-Na, sérén-Na kakeli tou meréro-rérot maai ai Sia. Wo icua-Na a si Filipus, “Am bisa réén e ro'na telesanta ing kakanen, wosama' awéan e ro'na kanen é tou keli anio'?”

Yohanes 6:5 ပူးပေါင်းရင်းမြစ်များ

Matius 15:33

Icua é murit-Na ai Sia, “Guru, en tampa anio' lulu in tou, tumambisa kita makéré roti iwéé a sé tou keli anio'.”

Markus 6:32

Wo séra sumaké an londéi e maangé an tampa lulu in tou en tumané mangé am bitu.

Lukas 9:10

An tutuw sé murit ayutus i Yesus imaréngo mai sumawel wo isisil éra ai Sia pakasa sé tinawoio éra. Wo uwasen i Yesus séra sumingkir mewali-wali mangé an esa kota makangaran im Betsaida akar séra oka in esa.

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 1:44

Si Filipus tou ing kota Betsaida, si kota i Andreas wo si Petrus.

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 1:46

Taan isowat i Natanael, “Roong Nazaret? Awéan réén esa tou loor si mai an doong itu owo?” Isowat i Filipus, “Mayo sérénmu oka in esa.”

Yohanes 1:48

Wuéien i Natanael a si Yesus, “Tambisa réén Ko wo makatuus yaku?” Isowat i Yesus ai sia, “Ra'ipé' tinowa i Filipus ko, tutuw ko an darem im panga-pangana in tuura in ara, sinéré-Kuo ko.”

Yohanes 4:35

Ra'ica réén icamu en icumua, epaté' ngaserap ka'i an orasnao i mupu'? Taan icua-Ku mangé ai camu, séréno sé an li'cir wo téintengeno em pangumaan makuni'o wo an orasnao in upuun.