Yohanes 6:45 - En Taar Weru a nunuwu' é Tontemboan

⁴⁵ En itu aipatico ang kitap-kitap é nabi tana'i: ‘Séra im baya susuian oka i Amang Kasuruan.’ Anaé, si esa wo si esa tou sé lumingao wo tumerimao in sususuien i Amang, maai oka a Yaku.

Yohanes 6:45 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Markus 1:2

En Abar Kaaruien anio' aito'tol tanu in aipatic ang kitap i nabi Yesaya: “Séréno! Airu'du'-Ku mai si utusan-Ku rumiorai ai Co, sia oka en tumu'tul in lalan wayaan-Mu.

Lukas 1:70

Tanu si aitaaro i Amang Kasuruan indior, sé ipakua-kuao é nabi-Na sé le'nas.

Lukas 18:31

Li'usen i Yesus sé sangapulu' rua murit-Na wo icua-Na ai séra: “Intarépé' kita maangé an Yerusalem wo pakasa sé aipatic é nabi andumoro' si Toyaang i Tou, mamuali oka a Yaku a mangé mbitu.

Yohanes 10:27

En suara-Ku pengalingan é domba-Ku. Katuusan-Ku séra wo séra kumiit Yaku.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:65

Wo icua ka'i i Yesus, “Ampa'paan in ituo aicua-Kuo ai camu: Ra'ica wana mandé esake' tou e ro'na mai a Yaku sa kumiitke' ing kasalé'anna in esa. Si esa wo si esa tou ro'na mai a Yaku ampa'paano si Amang e méma' sia mai a Yaku.”

Kisah Para Rasul 13:40

Ampa'paano in itu, intarépé' kamu musti mareti-reti, wosama' sapa en aicua ang kitap é nabi ra'ica mamuali ai camu.

Kisah Para Rasul 7:42

Ampa'paan in ituo, séra itela'u i Amang Kasuruan wo iwaya-Na séra maapo' a sé sumesendot an langit, tanu in aipatic ang kitap é nabi: ‘Éi tou Israel! An tutuw iow maento' an tana' kapayasan epat ngapulu' ngata'un eng kauré, kamu ra'ica sumangkum ako méé raragésan kuma'pa raragésan walina a Yaku.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Filipi 3:15

Ampa'paano itu, mayoo kita sé lekepo em paémanen e mawerot in taniitu. Sa awéan ai camu membalinaan em pakawerot wo yaku andumoro' in itu, ituru' oka i Amang Kasuruan ai camu sapaoka en aicuaku itu wutul.

1 Tesalonika 4:9

Wo en andumoro' i meupu-upusan wo sé poo-poow maéman, werotenku kamu ra'io sangali susuian ampa'paan en itu aisusuio i Amang Kasuruan tambisa e meupu-upusan.

Ibrani 10:16

“Si Amang Kasuruan kumua: ‘Si anioo em perjanjian weru si émaan-Ku oka ang karapi éra asé endo-endo mengangai. Iweta'-Ku oka en ukum-ukum-Ku an untep in até éra, wo ipatic-Ku en itu a ngaas éra.’

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.