Yohanes 6:42 - En Taar Weru a nunuwu' é Tontemboan

⁴² Icua éra, “Ra'ica réén Sia anio' si Yesus, toyaang i Yusuf? Si amang wo si inang-Na katuusanta. Kéitu réén intarépé' ipakua-Na Sia itu tumumpao mai an sorga owo?”

Yohanes 6:42 ပူးပေါင်းရင်းမြစ်များ

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 3:13

Ra'ipé' wana esaan tou ka'i en sumangkumo imangé an sorga. Wayake' Yaku si Toyaang i Tou si mai an sorga owo, anaé Yakuo si makailek andumoro' sé an sorga.

Yohanes 6:38

Ampa'paan Aku tumumpao mai an sorga owo ra'ica méma' ing kasalé'an-Ku in esa taan méma' ing kasalé'an i Amang Kasuruan si mutuso mai Aku.

Yohanes 6:43

Wo icua i Yesus ai séra, “Tioo kamu membere-mbereng.

Yohanes 6:62

Sa ra'ica icasalé' miow, tumambisa réén sa sérén iow Aku Toyaang i Tou icaangkai angé an tampa-Ku owo?

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.