Yohanes 6:41 - En Taar Weru a nunuwu' é Tontemboan

⁴¹ Wo sé tou Yahudi membere-mbereng andumoro' i Yesus, ampa'paan aicua-Na Sia itu kakanen si tumumpao mai an sorga owo.

Yohanes 6:41 ပူးပေါင်းရင်းမြစ်များ

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Yohanes 1:19

Si anioo eng kasairian i Yohanes an tutuw sé kikiiten é tou Yahudi an Yerusalem rumu'du' piraan imam wo tou Lewi mangé mamuéi in tana'i a si Yohanes, “Si séi réén ko?”

Yohanes 6:33

Eng kakanen wutul si aiwéé mai i Amang Kasuruan itu tumumpa mai an sorga owo akar méma' i tou ang kayo'baan anio' menonou akar ing kauré-uré.”

Yohanes 6:43

Wo icua i Yesus ai séra, “Tioo kamu membere-mbereng.

Yohanes 6:48

Yaku anio' kakanen si méma' in tou menonou akar ing kauré-uré.

Yohanes 6:58

Yaku anioo eng kakanen si tumumpao mai an sorga owo. Eng kakanen anio' ra'ica meputé wo eng kakanen sé kinan é apo-apo' miow. Séra icumano in itu taan séra imatéke' waya. Taan si séike' mangé eng kuman ing kakanen si an sorga owo, sia menonou oka akar ing kauré-uré.”

Yohanes 6:60

Keli tou an uner é makii-kiit si Yesus iluminga sapa si pakua-Na itu wo séra mengkung-kuanan, “En sususuien anio' taloso uter. Ra'ica wana tou e makawoo kumiit in sususuien anio'.”

Yohanes 6:66

Tumo'tolai asi oras itu, keli en tou sé mengakiit si Yesus tumela'u Sia, wo ra'io kiim ka'i kumiit Sia.

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

1 Korintus 10:10

Wo tioo kita mengi-ngimburung kaputé im pengaémaan é piraan ai sera itu, siituo séra pinaté i malaékat im papaté.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.