Yohanes 6:35 - En Taar Weru a nunuwu' é Tontemboan

³⁵ Icua i Yesus ai séra, “Yaku anioo eng kakanen si mengaéma' sé tou menonou akar ing kauré-uré. Wo si tou maai a Yaku, sia itu ra'io ka'i kawisa i maarem, wo si séike' si maéman a Yaku, sia itu ra'io ka'i kawisa i maré'om.

Yohanes 6:35 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Lukas 6:25

Icawangkuro mio' kamu sé mawesu intarépé', ampa'paan kamu mendam oka ing kaareman. Cawangkuro mio' kamu sé imeké'ké' intarépé', ampa'paan kamu mawendu oka wo maamé'.

Yohanes 4:15

Icua i wéwéné itu ai Sia, “Sa taniitu, wééo mai a yaku en dano itu, wosama' aku ra'io ka'i maré'om wo ra'io sangali maréngai e mindo rano asi parigi anio'.”

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:41

Wo sé tou Yahudi membere-mbereng andumoro' i Yesus, ampa'paan aicua-Na Sia itu kakanen si tumumpao mai an sorga owo.

Yohanes 6:65

Wo icua ka'i i Yesus, “Ampa'paan in ituo aicua-Kuo ai camu: Ra'ica wana mandé esake' tou e ro'na mai a Yaku sa kumiitke' ing kasalé'anna in esa. Si esa wo si esa tou ro'na mai a Yaku ampa'paano si Amang e méma' sia mai a Yaku.”

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.

Wahyu 7:16

Séra ra'io ka'i maarem kuma'pa maré'om. Wo ka'i eng kapaso'na i yéndo ra'io tumena iséra.