Yohanes 6:27 - En Taar Weru a nunuwu' é Tontemboan

²⁷ Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 6:27 ပူးပေါင်းရင်းမြစ်များ

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Matius 6:19

“Tioo kamu masuun ing kasiyaan torona in owak iow ang kayo'baan, ampa'paan eng kasiyaan ang kayo'baan anio' lolondin oka wo léwoon in taincéré' wo mai egan é rombit e rombiten éra eng kasiyaan itu.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Markus 1:11

Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”

Markus 9:7

Wo tumumpao mai eng kambung lumoindong iséra. Wo an untep ing kambung itu kalingaan en suara, “Si anioo si Toyaang-Ku, si caupus-Ku, lingano mangé Sia!”

Lukas 3:22

wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Lukas 9:35

Wo an untep ing kambung itu kalingaan en suara makua, “Si anioo si Toyaang-Ku si sinisir-Ku. Lingano mangé Sia!”

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 3:15

wosama' si esa wo si esa tou si maéman ai Sia ro'na makéré ing katouan akar ing kauré-uré.

Yohanes 3:33

Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Yohanes 6:53

Wo icua i Yesus ai séra, “En ulitna icua-Ku ai camu, sa ra'ica kanen iow en owak-Ku si Toyaang i Tou wo melep in enda'-Ku, kamu ra'ica menonou akar ing kauré-uré.

Yohanes 6:54

Si séike' eng kuman in owak-Ku wo melep in enda'-Ku, sia makéré oka ing katouan akar ing kauré-uré wo touen-Ku oka sumawel asi endo kaka'puan ing kayo'baan.

Yohanes 6:58

Yaku anioo eng kakanen si tumumpao mai an sorga owo. Eng kakanen anio' ra'ica meputé wo eng kakanen sé kinan é apo-apo' miow. Séra icumano in itu taan séra imatéke' waya. Taan si séike' mangé eng kuman ing kakanen si an sorga owo, sia menonou oka akar ing kauré-uré.”

Yohanes 6:62

Sa ra'ica icasalé' miow, tumambisa réén sa sérén iow Aku Toyaang i Tou icaangkai angé an tampa-Ku owo?

Yohanes 6:68

Isowat i Simon Petrus ai Sia, “Tuang, asi séi oka en angéan ami? Wayake' si Apo' Yesus e mengakua in Taar andumoro' tumambisa kami menonou akar ing kauré-uré.

Yohanes 8:18

Wo si mamuali sairi andumoro' in owak-Ku awéan rua, Yaku wo si Amang si mutusai Yaku.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

1 Korintus 6:13

Awéan ka'i makua, “Eng kakanen torona im poot wo em poot torona ing kakanen,” rua-rua itu terin oka i Amang Kasuruan. Si aicua miow itu wutul. Taan mandé ka'i en owak é tou terin oka, ra'ica toro pakén iow en owak e méma' in cabul. Taan pakéno en owakta asaloke' in sumelewir a si Amang Kasuruan, ampa'paan en owakta piniara-Na.

1 Korintus 9:2

Mandé ka'i sé tou walina ra'ica mangaku sa aku ruru'du'an i Yesus, taan pengaakun iow aku anio' ruru'du'an-Na. Ampa'paan kamu maémano a si Apo' Yesus, mamualio tuus sapaoka aku anio' ruru'du'an-Na.

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

Kolose 2:22

Pakasa sé atoran itu andumoro' in sapa sé ra'io wana torona kekawus im pinaké wo ra'ica akar ing kauré-uré. Sé atoran tanu siitu asalo kumiit im perénta-perénta wo in sususuien-sususuien sé niéma' é tou.

Kolose 3:2

Anaé, weroteno mangé in andumoro' sé an sorga wo tioo memero-merotke' in andumoro' sé ang kayo'baan.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

Ibrani 12:16

Matéi-téiro mangé wosama' ra'ica wana esaan ai camu sé mengaéma' andumoro' sé sundal wo ra'io masiri' si Amang Kasuruan meputé wo si Esau, si mangkér in hakna tanu toyaang luluna ampa'paan in esa piring kakanen.

Ibrani 4:11

Ampa'paan in ituo mayoo kita rumaméji muntep an tampa pengaenaan-Na itu wosama' ra'ica wana mandé esake' ai cita si ra'ica icauntep kaputé é apo-apo'ta sé ra'ica le'tek.

Yakobus 1:11

Sa si yéndo mantango mai wo em paso' in télangna makatena-tena in dukut, en dukut itu maweles. Ampa'paan in itu em bungangna rumongkor wo maka'pu eng kapasungna. Tanu siituo ka'i sé tou siya', an tutuw éra rumaméji menawo-nawoi masuun in doit keli, séra in esa maté oka.

1 Petrus 1:24

Ang Kitap Le'nas aipatic in tana'i, “Sé tou menonou tanuoka rukut, wo pakasa eng kapasunganna tanuoka im bungang in dukut, sa en dukut mapera, em bungangna ka'i rumongkor.

2 Petrus 1:17

Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”