Yohanes 6:26 - En Taar Weru a nunuwu' é Tontemboan

²⁶ Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

Yohanes 6:26 ပူးပေါင်းရင်းမြစ်များ

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 6:15

Kailekan i Yesus sapaoka Sia leséén éra e mamuali kolano éra, akar Sia in esa mangé sumingkir an tolaina.

Yohanes 6:2

Am bisa-wisake' en angéan-Na keli sé tou mengi-ngiit Sia, ampa'paan sinéréo éra eng kakaya'kaan sé niéma'-Na a sé tou sumakit akar séra imasama'o.

Yohanes 6:24

Anaé, ampa'paan sinéréo é tou keli si Yesus wo sé murit-Na ra'ica am bitu, sé tou keli itu sumaké an londé-londéi sé mai ang kota Tiberias owo wo mangé ang Kapernaum e mangéré si Yesus.

Yohanes 6:30

Wo icua éra ai Sia, “Sa taniitu, sapa en tuus si ro'na ipapaturu' ai cami wosama' kami ro'na mercaya sa si Guru itu asi Amang Kasuruan owo. Wo tuus sapa en émaan oka i Guru?

Yohanes 6:36

Taan tanu sé aicua-Kuo ai camu, mandé ka'i sinéréo miow Aku, ra'ipé' ka'i percayan iow Aku.

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 6:53

Wo icua i Yesus ai séra, “En ulitna icua-Ku ai camu, sa ra'ica kanen iow en owak-Ku si Toyaang i Tou wo melep in enda'-Ku, kamu ra'ica menonou akar ing kauré-uré.

Yohanes 6:64

Taan an uner iow awéan sé ra'ica maéman.” Icua i Yesus in taniitu, ampa'paan asi catarépé' kailekan-Na sé ra'ica maéman wo si sumarakan Sia a sé kaséké'.

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

Filipi 2:21

Sé tou walina asalo mangéré ing katoronaan éra in esa, em paérén éra ra'ica ing katoronaan i Yesus Kristus.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.