Yohanes 6:14 - En Taar Weru a nunuwu' é Tontemboan

¹⁴ An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 6:14 ပူးပေါင်းရင်းမြစ်များ

Matius 11:3

wo iru'du'na sé muritna mangé mamuéi a si Yesus, “Amang, si Amang réén si tou aijanjio i Amang Kasuruan si maai itu? Kuma'pa tou walina e musti entoon ami maai?”

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Lukas 24:19

Wo wuéien ka'i i Yesus ai séra, “Sapa réén e imamuali?” Isowat éra, “Andumoro' si mamuali a si Yesus Tou Nazaret. Sia Nabi, e nunuwu'-Na wo em pengaémaan-Na uli-ulit wuta ing kawasa an dior i Amang Kasuruan wo an dior é tou.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Yohanes 1:21

Wo wuéien éra ka'i ai sia, “Sa taniitu si séi réén ko? Ico réén si Elia?” Isowat i Yohanes, “Ra'ica!” Wuéien éra ka'i, “Ico réén si nabi si paento-ento'en ami si maai oka itu?” Wo isowat i Yohanes, “Ra'ica!”

Yohanes 11:27

Isowat i Marta a si Yesus, “Én é Tuang, percayanku sapaoka Ico si Mesias, Toyaang i Amang Kasuruan si aijanjio maai oka ang kayo'baan anio'.”

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 4:19

Icua i wéwéné itu ai Sia, “O, asi oras anio' kailekankuo si Tuang uli-ulit nabi.

Yohanes 4:25

Icua i wéwéné itu a si Yesus, “Kailekanku sapaoka si Mesias si patuulen ka'i Kristus maai oka. An tutuw Sia maai, icua-Na oka waya ai cami sé icasalé' i Amang Kasuruan.”

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 6:2

Am bisa-wisake' en angéan-Na keli sé tou mengi-ngiit Sia, ampa'paan sinéréo éra eng kakaya'kaan sé niéma'-Na a sé tou sumakit akar séra imasama'o.

Yohanes 6:26

Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

Yohanes 6:30

Wo icua éra ai Sia, “Sa taniitu, sapa en tuus si ro'na ipapaturu' ai cami wosama' kami ro'na mercaya sa si Guru itu asi Amang Kasuruan owo. Wo tuus sapa en émaan oka i Guru?

Yohanes 7:40

Keli en tou makalinga i nunuwu' i Yesus, wo an uner éra awéan e makua, “Sia anio' wutu-wutul nabi si paento-entoonta.”

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’