Yohanes 5:7 - En Taar Weru a nunuwu' é Tontemboan

⁷ Isowat i tou sumakit itu, “Én é Tuang, taan ra'ica wana tou am bia'i en tumumpa yaku ang kolam an tutuw en dano maéro'. Wo an tutuwku masalé' woo tumumpa mio' ang kolam itu, rinioranke' é tou walina.”

Yohanes 5:7 ပူးပေါင်းရင်းမြစ်များ

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.

Yohanes 5:3

An lésar itu keli tou sumakit makawé'kél, awéan sé wola, sé kénto' wo sé késo'. Séra mengento-ento' in dano méro' ang kolam itu.

Yohanes 5:4

Ampa'paan awéan en témpona sé malaékat i Amang Kasuruan tumumpa mai ang kolam itu wo en dano yéro' éra, wo si séike' mangé eng kumataré-taré muntep ang kolam itu an tutuw en dano maéro', sapake' en sakitna masama' oka.

Yohanes 5:6

Sérén i Yesus si tou itu makawé'kél am bitu, wo kailekan-Na en sakit i tou itu uréo keli wo icua i Yesus a si tou itu, “Masalé' réén ko masama'?”

Roma 5:6

An tutuw kita ra'ica toro méma' in sapa-sapa eng kumesot ang kawasa ing kamesé-meséaan, si Kristus imatéo asi témpo si aitantuo i Amang Kasuruan en tumu'bus ing kamesé-meséaanta sé mengaéma' ing kaléwo-léwo'an.

1 Korintus 9:24

Tantu kailekano miow sapaoka am papekowaan pakasa in tou sé cumiit tuméron, wayake' in esa e makéré laasa. Taniitu ka'i kamu. Tumérono tanu siitu akar kéréan iow en laasa.