Yohanes 5:45 - En Taar Weru a nunuwu' é Tontemboan

⁴⁵ Tioo mawerot sapaoka tudun-Ku oka kamu an dior i Amang asi endo pengaakiman. Si tumudu icamu itu si nabi Musa, mandé ka'i siao si pengaarapen iow.

Yohanes 5:45 ပူးပေါင်းရင်းမြစ်များ

Lukas 16:29

Taan icua i Abraham, ‘Ai séra awéano eng kitap-kitap si aipatic i Musa wo ka'i eng kitap-kitap é nabi! Mandéo séra kumiit sapa sé aipatic ang kitap-kitap itu.’

Yohanes 12:48

Taan si séike' eng kumélong Yaku wo ra'ica tumerima sé ipakua-Ku, séra ukumen oka i Amang Kasuruan asi endo kaka'puan kiit i nunuwu' sé aicua-Kuo.

Yohanes 7:19

Ra'ica réén aiwééo i Musa en ukum Torat ai camu? Taan ra'ica wana mandé esake' asé icamu sé mengaéma' in ukum Torat itu. Kéitu réén kamu rumaméji e maté Yaku?”

Yohanes 8:9

An tutuw éra luminga sapa sé aicua-Na itu, séra tumo'tol asé matu'a keli maesa-esa tumela'u in tampa itu. Wo tumela'uio' si Yesus oka in esa wo si wéwéné itu si makatulung an dior-Na.

Roma 2:12

Sa sé tou ra'ica Yahudi méma' ing kamesé-meséaan taan séra ra'ica makailek in ukum Torat, séra makéré oka ukuman ra'ica iciit in atoran-atoran an ukum Torat. Wo sé tou Yahudi sé makailek in atoran-atoran an ukum Torat wo mengaéma' ing kamesé-meséaan, séra ukumen oka iciit in atoran-atoran an ukum Torat.

Galatia 3:10

Taan sé tou rumaméji mamuali wutul an dior i Amang Kasuruan ang karapi i mamangén asi mengaéma' in ukum Torat, séra itu kutuken oka tanu ukuman i Amang Kasuruan. Ampa'paan ang Kitap Le'nas aipatic in tana'i, “Si séi si ra'ica le'tek mengaéma' im pakasa in atoran ang kitap Torat, sia itu ukumen oka im patén i Amang Kasuruan.”