Yohanes 5:40 - En Taar Weru a nunuwu' é Tontemboan

⁴⁰ taan ra'ica kiim iow mai a Yaku e makéré ing katouan akar ing kauré-uré.

Yohanes 5:40 ပူးပေါင်းရင်းမြစ်များ

Matius 22:3

An tutuw em pésta itu tumo'tolo, iru'du'na sé atana en tumowa sé tou sé nienotnao wosama' lumilio mai am pésta itu. Taan sé tou itu ra'ica kiim lumili mai.

Matius 23:37

“Éi tou Yerusalem! Pinaté miow sé nabi, wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Yohanes 1:11

Sia mai a sé tou-Na Yahudi taan Sia ra'ica tinerima éra.

Yohanes 10:10

Si rombit maai asaloke' i rumombit, wo mengapaté wo en luméwo'. Taan Aku mai wosama' séra makéré ing katouan si wuta ing kamang.

Yohanes 3:19

Si anioo e mangémai si Amang Kasuruan mukum sé tou ang kayo'baan anio': En sendot mayo ang kayo'baan, taan sé tou masalé'ke' ing kariréimbengan, ra'ica masalé' in sendot itu, ampa'paan séra masalé-salé'ke' mengaéma' ing kaléwo-léwo'an.

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Yohanes 5:41

Yaku ra'ica maperlu in siriin é tou.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 6:37

Pakasa en tou sé aiwééo i Amang-Ku a Yaku maai oka a Yaku, wo si séike' si maai a Yaku, sia ra'ica kawisa yusér-Ku.

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Roma 6:23

Ampa'paan em buéna i mengéma-ngéma' ing kamesé-meséaan, makéré oka ukuman icatané a si Amang Kasuruan akar ing kauré-uré. Taan eng kamang aitambér i Amang Kasuruan, siituo eng katouan akar ing kauré-uré. Wo eng kamang aitambér-Na itu tinerimata ampa'paan si Kristus Yesus, Apo'ta.

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.