Yohanes 5:39 - En Taar Weru a nunuwu' é Tontemboan

³⁹ Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Yohanes 5:39 ပူးပေါင်းရင်းမြစ်များ

Matius 22:29

Wo isowat i Yesus ai séra, “Isuméa' keli kamu, ampa'paan ra'ica pangartian iow eng Kitap Le'nas wo ka'i ra'ica kailekan iow eng kakawasaan i Amang Kasuruan.

Markus 10:3

Isowat-Na ai séra, “Sapa réén en aiperénta i Musa ai camu?”

Markus 12:10

Kamu tantu imacao i nats anio' ang Kitap Le'nas, ‘Watu aitiya' é bas imamualio watu patuuran.

Lukas 16:29

Taan icua i Abraham, ‘Ai séra awéano eng kitap-kitap si aipatic i Musa wo ka'i eng kitap-kitap é nabi! Mandéo séra kumiit sapa sé aipatic ang kitap-kitap itu.’

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Lukas 24:25

Wo icua i Yesus ai séra in dua, “Kamu anio' taloso bodok. Taloso ngenger en até miow e mercaya pakasa sé aicuao é nabi ang Kitap Le'nas.

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 5:32

Taan si Amang Kasuruan e méé kasairian andumoro' Yaku, kailekan-Ku sapaoka eng kasairian-Na andumoro' Yaku itu wutul.

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 5:46

Taan sa wutu-wutul percayan iow sapa en aipatic i Musa, tantu percayan iow ka'i Aku, ampa'paan siao e matic andumoro' Yaku.

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Kisah Para Rasul 13:27

Sé tou maento' an Yerusalem wo ka'i sé kikiiten éra ra'ica makatuus si Yesus, ampa'paan in ituo séra meesa wosama' Sia ukuman patén. Anaé, linekepo éra sapa sé ipakua é nabi andumoro' Sia si pemaca-macan iow susur in endo Sabat.

Kisah Para Rasul 17:11

Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Kisah Para Rasul 26:27

Kolano Agripa si pasiri-siriinku, percayan réén i colano sapa sé aipatic é nabi indior? Kailekanku sapaoka en itu percayan i colano.”

Roma 1:2

En Abar Kaaruien itu aijanjio i Amang Kasuruan indior wo aipatico é nabi-Na ang kitap-kitap Le'nas.

Roma 3:2

Tantu kelian eng katoranaan wo am baya-waya! Kataré-taré, a sé tou Yahudio sé tinokéan in Taar i Amang Kasuruan.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Ibrani 11:35

Ampa'paan sé wéwéné awéan paémanen, akar kinéréan éra sumawel sé tou am pamalé éra sé imatéo ampa'paan tinouo sumawel. Awéan ka'i sé tou tumerima im paokoien akar imaté, taan ra'ica kiim éra iwekar am paokoien wo ra'ica tumela'u im paémanen éra. Ampa'paan émanen éra sapaoka séra touen oka sumawel wo makéré ing katouan si lébé loorai.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”