Yohanes 5:36 - En Taar Weru a nunuwu' é Tontemboan

³⁶ Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 5:36 ပူးပေါင်းရင်းမြစ်များ

Matius 11:4

Wo isowat i Yesus ai séra, “Maréngo mangé kamu a si Yohanes Mabaptis wo icuao mio' ai sia sapa sé liningao wo sé sinéréo miow:

Lukas 2:49

Taan aisowat-Na ai séra in tana'i, “Kéitu réén si amang wo si inang maéré-éré Yaku? Ra'ica réén kailekan i amang wo si inang sapaoka Aku musti am balé i Amang-Ku?”

Yohanes 10:25

Isowat i Yesus ai séra, “Aicua-Kuo ai camu, taan ra'ica percayan iow. Sé tawoien niéma'-Ku ang karapi i ngaran i Amang-Ku, siituo eng kasairian andumoro' Yaku.

Yohanes 11:37

Taan awéan sé walina makua, “Sia iméma'o si tou wola ro'na maséré. Ra'ica réén kawooan-Na iméma' wosama' si Lazarus ra'ica woo imaté?”

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 2:23

Wo ang karoro'an i Yesus an Yerusalem ang kauréke' in endo wangko' Paska, keli tou maéman ai Sia ampa'paan séra isuméréo in tuu-tuus kakaya'kaan sé niéma'-Na.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Yohanes 3:2

Asi sangawengi sia mai an tampa i Yesus, wo icuana ai Sia, “Guru, kailekan ami si Guru ayutus i Amang Kasuruan en sumusui ai cami. Ampa'paan, ra'ica wana tou e ro'na méma' sé kakaya'kaan kaputé sé niéma' i Guru, sa si Amang Kasuruan ra'ica mewali-wali wo isia.”

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 5:32

Taan si Amang Kasuruan e méé kasairian andumoro' Yaku, kailekan-Ku sapaoka eng kasairian-Na andumoro' Yaku itu wutul.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

1 Yohanes 5:9

Kanaramen terimanta eng kasairian é tou, taan eng kasairiané' i Amang Kasuruan en lébé keterai wo ing kasairian é tou, anaé en lébé ro'na terimanta eng kasairian i Amang Kasuruan andumoro' i Toyaang-Na.