Yohanes 5:3 - En Taar Weru a nunuwu' é Tontemboan

³ An lésar itu keli tou sumakit makawé'kél, awéan sé wola, sé kénto' wo sé késo'. Séra mengento-ento' in dano méro' ang kolam itu.

Yohanes 5:3 ပူးပေါင်းရင်းမြစ်များ

Matius 15:30

An tutuw itu keli en tou meréro-rérot maai ai Sia. Iwali éra mai sé tou késo', sé tou wola, sé tou kénto', sé tou wowo' wo keli ka'i en sakit walina, wo iweta' éra an dior i Yesus. Wo séra im baya sinama'-Na.

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Lukas 7:22

Wo en ai sowat i Yesus ai séra, “Maréngo mangé a si Yohanes Mabaptis wo icuao mio' ai sia sapa sé sinéréo miow wo sé liningao miow: si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.”

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.

Yohanes 5:4

Ampa'paan awéan en témpona sé malaékat i Amang Kasuruan tumumpa mai ang kolam itu wo en dano yéro' éra, wo si séike' mangé eng kumataré-taré muntep ang kolam itu an tutuw en dano maéro', sapake' en sakitna masama' oka.

Roma 8:25

Taan sa em paarapen itu ra'ipé' imamuali, en itu musti entoonta ang karapi in talesen.

Yakobus 5:7

Ampa'paan in ituo é poo-poow, malese-leseno mangé kamu akar si Apo' Yesus maai sumawel. Séréno tambisa si tou menganguma talesen keli mengento-ngento' in uran an oras i mausew wo an oras in tinanem mua'. Sia talesen mengento-ngento' im buéna si awéan em bééna asi tana'na itu.