Yohanes 5:28 - En Taar Weru a nunuwu' é Tontemboan

²⁸ Tioo kamu mangaya'ka' in aicua-Ku anio', ampa'paan maai oka en témpona pakasa en tou sé aicuburo luminga oka in suara-Ku,

Yohanes 5:28 ပူးပေါင်းရင်းမြစ်များ

Yohanes 3:7

Tioo ko mangaya'ka', sa icua-Ku sapaoka icamu im baya musti touen weru.

Yohanes 4:21

Icua i Yesus ai sia, “Inang, percayano mangé en icua-Ku anio': Maai oka en témpona sé tou maapo' a si Amang Kasuruan am bisa-wisake', ra'ica sangali sumosor asi kuntung anio' wo mangé an Yerusalem.

Yohanes 4:23

Taan maai oka en témpona, wo intarépé' an témponao sé tou maapo' oka a si Amang Kasuruan Amangta ang karapi ing kawasa i Roh Le'nas wo iciit in sususuien wutul-Na. Ampa'paan sé tou maapo' ai Sia tanu siitu, pangérén-Na.

Yohanes 5:20

Ampa'paan si Amang mengaupus Yaku Toyaang-Na wo ituru'-Na a Yaku pakasa sé niéma'-Na in esa. Wo ka'i ituru' oka i Amang-Ku a Yaku en tatawoi sé lébé wangko' mai wo sumama' si tou sumakit, akar kamu mangaya'ka'.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

1 Korintus 15:22

Em papaté sangkumen waya é tou ampa'paan awéan paesaan wo si Adam. Taniitu ka'i pakasa in tou touen oka sumawel ampa'paan awéan paesaan wo si Kristus.

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.