Yohanes 5:22 - En Taar Weru a nunuwu' é Tontemboan

²² Si Amang ra'ica makim sé tou, taan aisarakan-Na a Yaku Toyaang-Na.

Yohanes 5:22 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.

Yohanes 9:39

Wo icua i Yesus, “Yaku mai ang kayo'baan e makim, wosama' si séike' sé ra'ica maséré, ro'nao oka suméré, wo si séike' sé ro'na maséré, sia mawola oka.”

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

Roma 2:16

Tanu siituo e imamuali asi endo kaka'puan ing kayo'baan sa. Asi endo itu si Amang Kasuruan méé kawasa a si Kristus Yesus e makim waya sé icaenep an até é tou wo sé pawero-weroten é tou. Siituo sé ipakuaku iciit in Abar Kaaruien andumoro' i Yesus Kristus.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

1 Petrus 4:5

Taan panowaten éra oka a si Amang Kasuruan si tu'tulo makim pakasa in tou sé menonou wo sé tou imatéo.