Yohanes 5:20 - En Taar Weru a nunuwu' é Tontemboan

²⁰ Ampa'paan si Amang mengaupus Yaku Toyaang-Na wo ituru'-Na a Yaku pakasa sé niéma'-Na in esa. Wo ka'i ituru' oka i Amang-Ku a Yaku en tatawoi sé lébé wangko' mai wo sumama' si tou sumakit, akar kamu mangaya'ka'.

Yohanes 5:20 ပူးပေါင်းရင်းမြစ်များ

Matius 11:27

Wo icua i Yesus, “Pakasa aisarakano i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang wo sé tou si papatuus-Ku oka a si Amang.

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Matius 4:8

Kekawus in itu iwali ka'i i kikiiten é sétang si Yesus a si esa kuntung rumangka-rangka'. Ituru'na asi Yesus pakasa eng kakolanoan ing kayo'baan wo eng kasiyaanna.

Lukas 10:22

Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 10:32

Icua i Yesus ai séra, “Kelian en tawoien loor asi Amang Kasuruan owo sé aituru'-Kuo ai camu. Asé pakasa in tawoien loor itu, si wisa réén si méma' icamu masalé' mangkil im batu a Yaku?”

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 15:15

Kamu ra'io ka'i tuulen-Ku ata, ampa'paan ra'ica kailekan i ata sapa en émaan i tuangna. Taan kamu patuulen-Ku kara-karapi, ampa'paan aicua-Kuo waya ai camu sapa-sapake' sé lininga-Kuo asi Amang-Ku.

Yohanes 17:26

Aicua-Kuo ai séra si séi si Amang en ulitna, wo ipengua-ngua-Ku oka melala'us andumoro si Amang. Wo in taniitu séra maupus oka sé tou walina tanu si Amang mengaupus Yaku wo Yaku meesa wo iséra.”

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.

Yohanes 5:25

En ulitna icua-Ku mangé ai camu, awéan oka en témpona wo an témponao, sapaoka sé imatéo, luminga oka in suara i Toyaang i Amang Kasuruan, siituo en suara-Ku. Wo sé tou luminga in suara-Ku menonou oka.

Yohanes 5:29

wo tumou sumawel. Sé tou iméma'o ing kalooran touen oka sumawel en tumerima ing katouan akar ing kauré-uré. Taan sé tou iméma'o ing kaléwo-léwo'an touen sumawel in ukumen.”

2 Petrus 1:17

Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”